যোহন 18:1 - Chakma Bible

¹ এ বেক্‌ কধানি কনার্ পরেদি যীশু তা শিচ্চ্যগুনো সমারে কিদ্রোণ নাঙে এক্কান কলগর্ উকুলে গেলাক্। সিধু এক্কান্ বাগান এলঅ। যীশু আর তা শিচ্চ্যগুনে সেই বাগানানত্ গেলাক্।

যোহন 18:1 ပူးပေါင်းရင်းမြစ်များ

পত্থম 2:15

লগেপ্রভু গোজেনে সে মানুচ্চোরে নেযেইনে এদন বাগানত্‌ রাগেল যেনে তে সিয়োত্ চাষ-বাজ্‌ গুরি পারে আর সিয়েনর দেগাশুনো গুরি পারে।

পত্থম 3:23

ইয়েন্‌ কোইনে লগেপ্রভু গোজেনে মাদিলোই বানেয়্যে মানুচ্চ্যরে মাদিত্‌ চাষ গুরিবাত্তে এদন বাগানত্তুন্ নিগিলেই দিলো।

২ শমূয়েল 15:23

দায়ূদোর বেক্‌ মানুচ্চুন যেক্কে যাদন্‌ সেক্কে দেজর্‌ বেক্‌ মানুচ্চুনে গুজুরি গুজুরি কানা ধুরিলাক্। রাজা আর তার বেক্‌ মানুচ্চুনে কিদ্রোণ কলক্কান পার্ ওইনে ধূল্যেচর্‌ ইন্দি উজেই গেলাক্‌।

১ রাজাবলী 15:13

এন্‌ কি, তে তার্‌ বরঙাবো মাখারেয়ো রাজমাতার পধত্তুন্‌ সোরেই দিলো, কিত্তে তে ইক্কো জঘন্য আশেরা-মূত্তি বানেয়্যে। আসা সে মূত্তিবো কাবি ফেলেইনে কিদ্রোণ কিঝিঙোত্‌ নেযেইনে সিবে পুড়ি ফেলেল।

১ রাজাবলী 2:37

যেদিন্যে তুই সিয়েনত্তুন্‌ নিগিলিনে কিদ্রোণ কিজিঙান্‌ পার্‌ অবে সেদিন্যে তুই গমেডালে মনত্‌ রাগেচ্‌, তত্তুন্‌ মরা পুরিবো; তর্‌ লো ঝরানার্‌ দুষ্‌ছান্‌ তর্‌ নিজোর্‌ মাদা উগুরেই পুরিবো।”

২ রাজাবলী 23:12

রাজঘর ছাল উগুরে রাজা আহস উগুরে গুদিবো ইদু যিহূদার রাজাগুনে যিদুক্কুন্‌ ডালিপূজো বানেয়োন আর লগেপ্রভুর ঘরর্‌ দ্বিয়েন্‌ উদোনত্‌ মনঃশি যিদুক্কুন্‌ ডালিপূজো বানেয়্যে যোশিয় সিগুনোরে ভাঙিনে কট্টা কট্টা গুরিনে কিদ্রোণ কলগত্‌ ফেলেই দিলো।

২ রাজাবলী 23:4

রাজা সেক্কে বাল দেবেদা আর আশেরা আহ্‌ আগাজ বেক্‌ তারাগুনোরে পূজিবাত্তে বানেয়্যে বেক্‌ পযাপিরানি লগেপ্রভুর ঘরত্তুন্‌ নিগিলেবাত্তে দাঙর্‌ ধর্মগুরু হিল্কিয়রে, দ্বিলম্বরর ধর্মগুরুগুনোরে আর চুগিদারুনোরে উগুম দিলো। তে সিগুনোরে যিরূশালেমর বারেন্দি কিদ্রোণ কিজিঙোর্‌ মাদত্‌ পুড়ি ফেলেল আর ছেইয়ানি বৈথেলত্‌ নেযেল।

২ রাজাবলী 23:6

তে লগেপ্রভুর ঘরত্তুন্‌ আশেরা-খুদোবো নেযেইনে যিরূশালেম বারেন্দি কিদ্রোণ কলগত্‌ সিবে পুড়ি দিলো। সে পরেন্দি সিবে গুড়ি গুরিনে সিবের্‌ ধূল্যেগান্‌ নাদা মানুচ্চুনোর গোরান উগুরে ছিদি দিলো।

২ বংশধর 15:16

রাজা আসা তার্‌ বরঙা মাখারে রাজমাতার পদ্‌থানত্তুন্‌ সোরেই দিলো, কিত্তে তে এক্কো জঘন্য আশেরা-মূত্তি বানেয়্যে। আসা সিবে কাবি ফেলেইনে, ভাঙিনে কিদ্রোণ কিজিঙোত্‌ নেযেইনে পুড়ি দিলো।

২ বংশধর 29:16

ধর্মগুরুগুনে সিদু যেদক্কানি অসিজি জিনিস পেলাক্‌ সিয়েনি বেক্কানি লগেপ্রভুর ঘর উদোনত্‌ নিগিলেই আনিলো। লেবীয়গুনে সিয়েনি বুয়োইনে কিদ্রোণ কিজিঙোত্‌ নেযেলাক্‌।

২ বংশধর 30:14

পূজো গুরিবাত্তে এ্যামান্-উৎসর্বর যিদুক্কুন্‌ পূজো আর যিদুক্কুন্‌ আগর্‌বাট্টি টগ্‌ যিরূশালেমত্‌ এলাক্‌ তারা সিগুনোরে সোরেই নেযেইনে কিদ্রোণ কিজিঙোত্‌ ফেলেই দিলাক্‌।

নহিমিয় 2:15

ইয়েনত্তে মুই সে রেদোত্‌ দেবালর অবস্থাগান চাদে চাদে কিজিঙোর্‌ ভিদিরেন্দি গেলুঙ্‌ আর কিজিঙোর-গেদো ইন্দি আরঅ শঅরত্‌ ফিরি এলুঙ্‌।

যিরমিয় 31:40

গোদা কলগ্‌‍‍‍‍‍‍‍‍‍‍‍‍‍‍কানত্ যিয়েনত্ মরা কিয়্যেনি আর ছেই ফেলা অয় আর পূগেদি ঘোড়া-গেদোর্ কোণাবো সং কিদ্রোণ কলগর্ বেক মাঠ্‌তুন লগেপ্রভুর নাঙে যুদো গুরি রাগা অবঅ। শঅরানরে আর কনদিন্‌অ উগুড়ে ফেলানা বা ভস্ত গরা ন-অবঅ‍‍‍‍‍‍‍‍‍‍‍‍‍‍।”

লেবীয় 2:6

পরেদি সিয়েন্‌ কট্টা কট্টা গুরিনে তা উগুরে তেল ঢালি দিয়্যে পুরিবো; ইবে এক্কো শোজ্য-উৎসর্ব।

মথি লেখ্যে গম্ হবর্ 26:30

পরেদি তারা এক্কো গীদ্ গেই গেই নিগিলিনে জৈতুন্ মুড়োবোত্ গেলাক্।

মথি লেখ্যে গম্ হবর্ 26:36

পরেদি যীশু তা শিচ্চ্যগুনো সমারে গেৎশিমানী নাঙে এক্কান্ জাগাত্ গেলঅ আর শিচ্চ্যগুনোরে কলঅ, “মুই সিয়েনত্ যেইনে যেদক্কন্ সং তবনা গরং সেদক্কন্ সং তুমি ইয়েনত্ বুয়োই থাগঅ।”

মার্ক 14:26

পরেদি তারা এক্কো গীদ্ গেই গেই নিগিলিনে জৈতুন্ মুড়োবোত্ গেলাক্।

মার্ক 14:32

সে পরেদি যীশু আর তা শিচ্চ্যগুনে গেৎশিমানী নাঙে এক্কান্ জাগাত্ গেলাক্। সিয়েনত্ যীশু তা শিচ্চ্যগুনোরে কলঅ, “মুই যেদক্কন্ সং তবনা গরং সেদক্কন্ সং তুমি ইয়েনত্ বুয়োই থাগঅ।”

মার্ক 14:42

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

যোহন 14:31

মাত্তর্ ইয়েন ঘদের্ যেন মানুচ্চুনে কোই পারন্ যে, মুই বাবারে কোচ্‌পাং আর বাবা মরে যেবাবোত্যে উগুম্ দিয়্যে মুই বেক্কানি সেবাবোত্যে গরং। ইক্কে উদো, আমি ইয়োত্তুন যেই।

যোহন 18:26

পিতরে যিবের্ কানান্ কাবি ফেল্ল্যে তার এক্কো কুদুম্মো দাঙর্ ধর্মগুরুবোর চাগর এলঅ। তে কলঅ, “মুই কি তরে বাগানত্ তা সমারে ন-দেগং?”

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।