যোহন 17:5 - Chakma Bible

⁵ বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 17:5 ပူးပေါင်းရင်းမြစ်များ

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 10:30

মুই আর বাবা এক্।”

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

ফিলিপীয় 2:6

আজলে তে গোজেনই থেলঅ, মাত্তর্ গোজেন ধোক্ক্যেন সং সং থানা তে আযাবোধে ধুরি থইদ্যে ধোক্ক্যেন এমন্‌ কিজু মনে ন-গরে।

ইব্রীয় 1:10

গোজেনে আরঅ কোইয়্যেদে, “প্রভু, তুই বোউত্ দিন আগে পিত্‌থিমীর গড়াগান গাড়েয়োচ্, দাঙর্ আগাজ্‌‌চান তঅ আঢে বানেয়োচ্।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।