যোহন 17:26 - Chakma Bible

²⁶ মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:26 ပူးပေါင်းရင်းမြစ်များ

গীতসংহিতা 22:22

ভেইয়ুনো ইদু মুই তঅ পৌইদ্যেনে ফগদাং গুরিম আর আদাম্মেগুনো ইদু তরে নাঙ্ গিনিম।

যোহন 14:20

সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 15:4

মঅ সমারে থাগঅ আর মুইয়ো তমা মনত্ থেম্। আংগুর্ গাজ লগে ন-থেলে ডেলাগুন্ যেবাবোত্যেগুরি নিজে নিজে গুলোগুলি ধুরি ন-পারে, সেবাবোত্যেগুরি মঅ লগে ন-থেলে তুমিয়ো নিজে নিজে গুলোগুলি ধোরেই ন-পারঅ।

যোহন 15:9

বাবা যেবাবোত্যেগুরি মরে কোচ্‌পেইয়্যে মুইয়ো সেবাবোত্যেগুরি তমারে কোচ্‌পেইয়োং। মঅ কোচ্‌পানা লগে থাগঅ।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

যোহন 8:50

মুই মর্ নিজোর্ নাঙ্ ফুদেবার্ ন-চাং, মাত্তর্ একজন আঘে যিবে মরে সর্মান দান্ গরে, আর তেয়ই বিচের্ গুরিয়ে।

রোমীয় 8:10

মাত্তর্ খ্রীষ্ট যুনি তমা মনত্ থায় সালে পাপত্যে তমা কিয়্যেগানি উগুরে মরণানে কাম গুরি থেলেয়ো তমা আত্মাগানি জেদা, কারন গোজেনে তমারে নিদ্দুজি বিলি মানি লোইয়্যে।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 12:12

এক্কান্ কিয়্যের্ যেবাবোত্যে ভালোক্কানি ভাগ্ থায় আর সেই ভাগ্‌‌কানি ভালোক্কানি অলেয়ো যেবাবোত্যেগুরি বেক্কানি মিলিনে এক্কানগুরি কিয়্যে অয়, খ্রীষ্টয়ো ঠিগ্ সেবাবোত্যে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

ইফিষীয় 5:30

কিয়া আমি তা কিয়্যেগানর্ ভাগ্।

ইফিষীয় 5:32

ইয়েন এক্কান দাঙর্ গুমুরো সত্য-মাত্তর্ আজলে মুই খ্রীষ্ট আর তা মন্ডলীর্ কধা কঙর্।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 2:10

তে দাঙর্ আগাজর্ বেক্কানির্ শাসনগুরিয়্যে আর খেমতার্ অধিকারীগুনোর্ উগুরে।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

ইব্রীয় 2:12

পবিত্র বোইবোত্ তে গোজেনরে কোইয়্যেদে, “ভেইয়ুনো ইধু মুই তঅ পৌইদ্যেনে ফগদাং গুরিম আর সমাজ ভিদিরে তর্ গুণগান গুরিবোং।”

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।