যোহন 17:24 - Chakma Bible

²⁴ “বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 17:24 ပူးပေါင်းရင်းမြစ်များ

পত্থম 45:13

মিসর দেজত্‌ মর্‌ যেত্তমান্‌ মান-সর্মান আর যিয়েনি দেগর্‌ সিয়েনি বেক্কানি যেইনে বাবারে কামাক্কায়্‌ জানেবা। ইক্কিনে তুমি যাদিমাদি যেইনে বাবারে ইধু আনগোই।”

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মথি লেখ্যে গম্ হবর্ 25:23

সেক্কে তা গিরোজ্‌সো তারে কলঅ, গম্ কাম গোজ্যস্। তুই গম্ আর বিশ্বেজি চাগর্। তুই কম পৌইদ্যেনে বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মর্ হুজির্ ভাগীদার্ অগি।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 26:29

মুই তমারে কঙর্, ইক্কেত্তুন্ ধুরি যেদক্ বিলোন্ সং মুই মঅ বাব রেজ্যত্ তমা সমারে আংগুর-ফলর্ রস্ নুয়ো গুরি ন-হাং সেদকদিন সং মুই আরঅ কনদিন্অ সিয়েন্ ন-হেম্।”

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

লূকে লেখ্যে গম্ হবর্ 23:43

জোবত্ যীশু তারে কলঅ, “মুই তরে ঘেচ্চ্যেক্‌গুরি কঙর্, তুই এচ্চ্যে মঅ সমারে স্বর্গত্ লুমিবে।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

যোহন 15:9

বাবা যেবাবোত্যেগুরি মরে কোচ্‌পেইয়্যে মুইয়ো সেবাবোত্যেগুরি তমারে কোচ্‌পেইয়োং। মঅ কোচ্‌পানা লগে থাগঅ।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 17:22

যে মহিমাগান্ তুই মরে দুয়োচ্ সিয়েন মুই তারারে দুয়োং যেন আমি যেধোক্ক্যেন্ এক তারায়ো সেধোক্ক্যেন্ গুরি এক্ ওই পারন্,

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:39

যে মরে দিপাধেয়্যে তা আওজ্‌চান্ ইয়েন, যিগুনোরে তে মরে দিয়্যে তারাত্তুন্ একজনরেয়ো যেন মুই ন-আঝাং বরং শেজ্ দিনোত্ জেদা গুরি তুলোং।

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 21:22

মুই সেই শঅরর্ কনঅ উবোসনা-ঘর ন-দেগিলুং, কারন বেগত্তুন্ খেমতাবলা প্রভু গোজেন আর ভেড়া-ছবোই এলাক্ সেই শঅরানর্ উবোসনা-ঘর।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।