যোহন 17:21 - Chakma Bible

²¹ বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:21 ပူးပေါင်းရင်းမြစ်များ

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মার্ক 3:24

কনঅ রেজ্য নিজো ভিদিরে দলে দলে যুদ্ধো বাঁজিনে ভাগ্ ওই গেলে সেই রেজ্যগান্ ঠিগি ন-পারে।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 10:30

মুই আর বাবা এক্।”

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 13:32

গোজেনর্ মহিমাগান্ যেক্কে তা মাধ্যমে ফগদাং অবঅ সেক্কে গোজেনেয়ো মান্‌জ্য পুয়োবোর্ মহিমাগান্ নিজো ভিদিরে ফগদাং গুরিবো আর সিয়েন্ তে যাদিমাদি গুরিবো।

যোহন 13:35

যুনি তুমি একজন আরেক জনরে কোচ্‌পঅ সালে বেক্কুনে বুঝি পারিবাক্ তুমি মর্ শিচ্চ্য।”

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

যোহন 17:20

মুই যে বানা ইগুনোত্তে কোজোলি গরঙর্ সিয়েন নয়, মাত্তর্ যিগুনে ইতারা কধালোই মঅ উগুরে বিশ্বেজ্ গুরিবাক্ তারাত্যেয়ো কোজোলি গরঙর্, যেন তারা বেক্কুনে এক অন্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

রোমীয় 12:5

ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 12:12

এক্কান্ কিয়্যের্ যেবাবোত্যে ভালোক্কানি ভাগ্ থায় আর সেই ভাগ্‌‌কানি ভালোক্কানি অলেয়ো যেবাবোত্যেগুরি বেক্কানি মিলিনে এক্কানগুরি কিয়্যে অয়, খ্রীষ্টয়ো ঠিগ্ সেবাবোত্যে।

১ করিন্হীয় 6:17

মাত্তর্ যে কেঅ প্রভুর্ সমারে এগত্তর্ অয়, তে তা সমারে আত্মালোই এক অয়।

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

১ যোহন 5:7

পবিত্র আত্মা, পানি আর লো-এই তিনেনর্ মাধ্যমে সেই সাক্ষিগান এজের্ আর সেই তিনেনর্ সাক্ষি এক।