যোহন 17:13 - Chakma Bible

¹³ ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

যোহন 17:13 ပူးပေါင်းရင်းမြစ်များ

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

যোহন 7:33

যীশু কলঅ, “মুই আর ভালোক্ দিন তমা ইধু ন-থেম্। সে পরেদি যে মরে পাধেয়্যে মুই তা ইধু যেম্।

প্রেরিত্‌ 13:52

মাত্তর্ সিধুগোর্ শিচ্চ্যগুনে হুজিয়্যে আর পবিত্র আত্মায় পুরেলাক্।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

১ যোহন 1:4

আমার হুজিগান যেনে ভর্‌‍পুনোং অয় সেনত্যে আমি ইয়েনি লিগির্।

২ যোহন 1:12

যুনিয়ো তমা ইধু মর্ ভালোক্কানি কধা লিগিবার্ এলঅ তো কাগোজ্ আর কালিলোই সিয়েনি লিগিবাত্যে ন-চাং। তাত্তুন্ মুই তমা ইধু যেইনে মুজুঙোমুজুঙি ওইনে কধা কবার্ আজা গরং, যেন আমার হুজিগান ভুরি যায়।