যোহন 17:12 - Chakma Bible

¹² মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 17:12 ပူးပေါင်းရင်းမြစ်များ

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 18:9

ইয়েন্ ঘুদিলো যেন যীশুর কোইয়্যে এ কধাগান্ পূরোণ্ অয়, “যিগুনোরে তুই মরে দুয়োচ্ তারারে একজনরেয়ো মুই ন-আযাং।”

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

ফিলিপীয় 2:9

গোজেনে ইয়েনত্যে তারে বেগত্তুন্ অজলত্ তুলিলো আর এমন্‌ এক্কান নাঙ্ দিলো যিয়েন বেক্‌ নাঙানিত্তুন্ মহৎ,

২ থিষলনীকীয় 2:3

কেঅ যেন কনঅ বাবদে তমারে ভুল্ পধেদি ন-নেযায়; কিয়া সেই দিন্নো এবার আগেদি গোজেনর্ বিরুদ্ধে জদবদে বিদ্রোহ অবঅ আর সেই অবাধ্যবলা মরদ, যিবের্ ভস্ত অবার কধা আঘে, তে ফগদাং অবঅ।

ইব্রীয় 2:13

যীশু আরঅ কত্তে, “মুই গোজেন উগুরে নির্ভর গুরিম।” আর এক জাগাত্ তে কত্তে, “এইয়্যে চঅ, মুই আর সেই পুয়োগুনে যিগুনোরে গোজেনে মরে দিয়্যে।”

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।