যোহন 16:9 - Chakma Bible

⁹ তে পাপ পৌইদ্যেনে চেতনা দিবো, কিয়া মানুচ্চুনে মঅ উগুরে বিশ্বেজ্ ন-গরন্;

যোহন 16:9 ပူးပေါင်းရင်းမြစ်များ

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 16:8

তে এইনে পাপ পৌইদ্যেনে, গোজেন আওজ্-মজিম্ চলানা পৌইদ্যেনে আর গোজেন বিচের পৌইদ্যেনে মানুচ্চুনোরে চেতনা দিবো।

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।