যোহন 16:33 - Chakma Bible

³³ মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 16:33 ပူးပေါင်းရင်းမြစ်များ

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

মীখা 5:5

আর তে সাজা আনিবো। আসিরিয়গুনে যেক্কে আমা দেজ্‌‌‌চান আক্রমন গুরিবাক্ আর আমা তাম্বুলানি টেঙোই উরিবাক্ সেক্কে আমি তা বিরুদ্ধে সাতজন পালগরে, এন্ কি, আষ্টোজন নেতারে তুলিবোং।

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

লূকে লেখ্যে গম্ হবর্ 19:38

“প্রভুর্ নাঙে যে রাজাবো এজের্ তার বাঈনী ওক্‌ । স্বর্গত্ শান্তি, আর সিধু গোজেনর্ মহিমা ফগদাং পেইয়্যে।”

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 27:22

মাত্তর্ ইক্কিনে মুই তমারে কোজোলী গরঙর্, তুমি মনত্ সাহচ্‌ রাগঅ, কারন তমাত্তুন্ কনজনে ন-মুরিবাক্; বানা এ জাহাজ্‌চান বর্‌বাদ্ অবঅ।

প্রেরিত্‌ 27:25

ইয়েনত্যে তুমি মনত্ সাহচ্‌ রাগঅ। গোজেন উগুরে মর্ এ বিশ্বেজ্‌‌চান আঘে, তে মরে যিয়েন কোইয়্যে সিয়েন-ই অবঅ।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

২ করিন্হীয় 1:3

আমা প্রভু যীশু খ্রীষ্টর্ গোজেন আর বাবার্ বাঈনী ওক্‌। তেয়ই দোয়্যে-মেয়্যের্ বাব্; তেয়ই বেক্‌ সান্তনার্ গোজেন।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

গালাতীয় 1:4

আমার গোজেন আর বাবার্ আওজ্ মজিম খ্রীষ্ট আমা পাপত্যে নিজো জিংকানিগান দিয়্যে, যেন তে ইক্কুনু এ ভান্ন্যেই জগদর্ আঢত্তুন্ আমারে রোক্ষ্যে গুরি পারে।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

১ থিষলনীকীয় 3:4

দুঘ্-কষ্ট যে আমা উগুরে এবঅ সেই কধাগান তমা লগে থেবার্ অক্তত্ আমি বার্‌বার্ কোইয়্যেই, আর তুমি কোই পারঅ যে, ঠিগ্ সিয়েনই ঘোট্যে।

১ থিষলনীকীয় 3:7

ইয়েনত্যে ভেইলগ্, তীমথিয়র মুয়োদি তমার্ বিশ্বেজর্ কধানি শুনিনে আমার বেক্‌ যন্ত্রণাগানি আর দুঘোত্অ আমি সান্তনা পেইয়্যেই।

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

২ তীমথিয় 3:12

আসলে যিগুনে খ্রীষ্ট যীশুর্ লগে মিজেইনে গোজেন উগুরে ভোক্তিবলা জিংকানি কাদেবাত্যে চান্ তারা অত্যেচারিত অবাক্।

ইব্রীয় 11:25

তে পাপর্ কানক্কন্ন্যে হুজি বাদ্ দিইনে গোজেন মানুচ্চুনো সমারে অত্যেচার ভুগোনা বেঈ ললঅ।

ইব্রীয় 7:2

আর অব্রাহামে বেক্‌ জিনিজোর্ দশ্ ভাগর এক ভাগ্ তারে দিয়্যে। মল্কীষেদকর্ অত্ত অলঅ ন্যায়র্ রাজা। মল্কীষেদকে আরঅ শালেমর্-অ রাজা এলঅ, আর সিয়েনর অত্তগান অলঅ শান্তির রাজা।

১ পিতর 5:9

বিশ্বেজে থির্ থেইনে শদানরে আক্‌সো, কিয়া তুমি দঅ হবর্ পঅ, গোদা পিত্‌থিমীত তমা বিশ্বেজি ভেইয়ুনে একই বাবোত্যে দুঘোত্ ভুগোদন্।

১ যোহন 2:13

বাবলগ্, সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো বিলিনে তমা ইধু লেগঙর্। গাবুজ্জ্যেলগ্, শদান উগুরে তুমি জিত্য বিলিনে তমা ইধু লেগঙর্।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ যোহন 5:4

গোজেনর্ পত্তি পুয়ো-ছাগুনে জগদ উগুরে জিদিই থান্। জগদ উগুরে যিয়েন জিত্যে সিয়েন অলঅ আমার বিশ্বেজ্।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

বিচের গুরিয়্যেগুন 3:2

ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।