যোহন 16:32 - Chakma Bible

³² চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

যোহন 16:32 ပူးပေါင်းရင်းမြစ်များ

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 26:31

পরেদি যীশু তা শিচ্চ্যগুনোরে কলঅ, “এচ্চ্যে রেদোত্ মরে নিইনে তমা বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরগ্‌কোরে মারে ফেলেম্, সেক্কে পাল ভেড়াগুন্ ছিদি পড়িবাক্।’

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

মার্ক 14:27

যীশু তা শিচ্চ্যগুনোরে কলঅ, “মরে নিইনে তমার্ বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরক্কোরে মারে ফেলেম্, সেক্কে ভেড়াছাগলুন্ ছিদি পড়িবাক্।’

মার্ক 14:50

সে অক্তত্ শিচ্চ্যগুনে বেক্কুনে তারে ফেলেইনে ধেই গেলাক্।

যোহন 12:23

যীশু সেক্কে আন্দ্রিয় আর ফিলিপরে কলঅ, মান্‌জ্য পুয়োবোর্ মহিমাগান্ ফগদাং পেবার্ অক্‌ত এইচ্চ্যে।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 16:25

“এ বেক্‌ শিক্ষ্যের্ কধানি মুই তমা ইধু তুলোনা দিইনে কলুং। মাত্তর্ এমন্‌ অক্‌ত এজের্ যেক্কে মুই আর তুলোনা দিইনে তমা ইধু কধা ন-কোম্, মাত্তর্ খুলোমেলা গুরি বাবা পৌইদ্যেনে কোম্।

যোহন 16:31

যীশু তা শিচ্চ্যগুনোরে কলঅ, “ইক্কে কি সালে বিশ্বেজ্ অর্?

যোহন 19:27

যেরেদি সেই শিচ্চ্যবোরে কলঅ, “উইয়ো চাহ্, তঅ মাবো।” সেক্কেত্তুন্ ধুরি সেই শিচ্চ্যবো যীশুর্ মাবোরে তা নিজো ঘরত্ নেযেল।

যোহন 20:10

ইয়েন পরেদি শিচ্চ্যগুনে ঘরত্ ফিরি গেলাক্,

যোহন 4:21

যীশু তারে কলঅ, “শুন্, মঅ কধাগান্ বিশ্বেজ্ গর্, এমন্‌ সময় এজের্ যেক্কে বাবা গোজেনর্ উবোসনা তুমি এ মুড়োবোত্-অ ন-গুরিবা, যিরূশালেমত্-অ ন-গুরিবা।

যোহন 4:23

মাত্তর্ এমন্‌ সময় এজের্, এমন্‌ কি, ইক্কিনে সেই সময় এচ্চ্যে যেক্কে আজল্ উবোসনা গুরিয়্যেগুনে আত্মায় আর সত্যলোই বাবার্ উবোসনা গুরিবাক্। বাপ্পোয়ো এবাবোত্যে উবোসনা গুরিয়্যেগুনোরে তগায়।

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

যোহন 5:28

এ কধাগান্ শুনিনে আমক্ ন-অবা, কিয়া এন্ অক্ত এজের্, যিগুনে গোরত্ আঘন্ সিগুনে বেক্কুনে মান্‌জ্যপুয়োবোর্ কধা রঅ শুনিনে নিগিলি এবাক্।

যোহন 8:16

মাত্তর্ যুনি মুই কনদিন্অ বিচের্ গরং সালে মর্ সেই বিচেরান্ সত্য, কিয়া মুই গায় গায় নয়। মুই দঅ আঘং আর যে মরে পাধেয়্যে সেই বাবায়ো মঅ সমারে আঘে।

যোহন 8:29

যে মরে পাধেয়্যে তেয়ই মঅ সমারে আঘে। তে মরে গায় গায় গুরি ইরি ন-দে, কিয়া যে কামত্ তে হুজী অয় মুই নিত্য সেই কামান গরং।”

প্রেরিত্‌ 21:6

সে পরেদি একজন আরেকজনত্তুন্ বিদেয় লোইনে আমি জাহাজত্ উদিলোং আর তারা ঘরত্ ফিরি গেলাক্।

প্রেরিত্‌ 8:1

শৌলে সিধু স্তিফানর খুনর্ পক্ষে কধা কর্। সেদিন্যে যিরূশালেমর খ্রীষ্টীয় মণ্ডলীর মানুচ্চুনো উগুরে অমকদ অত্যেচার অলঅ। সিয়েন্দোই দিপাধেয়্যেগুন বাদে বাদবাগি বেক্ বিশ্বেজিগুন যিহূদিয়া আর শমরিয়া রেজ্যর্ বেক্ জাগানিত্ ছিদি পড়িলাক্।