যোহন 16:28 - Chakma Bible

²⁸ ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 16:28 ပူးပေါင်းရင်းမြစ်များ

লূকে লেখ্যে গম্ হবর্ 24:51

বর্ দেদে দেদে তে তারারে ফেলেই গেলঅ আর তারে স্বর্গত্ তুলি নেযা অলঅ।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 14:28

তুমি শুন্ন্য মুই তমারে কোইয়োং, মুই যাঙল্লোই আরঅ তমা ইধু ফিরি এম্। যুনি তুমি মরে কোচ্‌পেদা সালে মুই মঅ বাবা ইধু যাঙর্ কিনেই হুজী অদা, কিয়া বাবা মত্তুন্-অ দাঙর্।

যোহন 16:10

গোজেনর্ আওজ্-মজিম্ চলানা পৌইদ্যেনে চেতনা দিবো, কিয়া মুই বাবা ইধু যাঙর্ আর তুমি মরে আর্ ন-দেগিবা;

যোহন 16:16

“কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা।”

যোহন 16:30

ইক্কে আমি বুঝি পাজ্জ্যেই, তর্ অজানা কিচ্চু নেই, আর কেঅ যে তরে কনঅ কিজু পুযোর্ গরন্ সিয়েন দরকার্-অ তর্ নেই। ইয়েনত্যে আমি বিশ্বেজ্ গুরিই যে, তুই গোজেনত্তুন্ এচ্চ্যস্।”

যোহন 16:5

যে মরে দিপাধেয়্যে মুই ইক্কিনে তা ইধু যাঙর্, আর তমাত্তুন্ কেঅ মরে পুযোর্ অ ন-গরন্, তুই কুধু যর্?

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 8:14

যীশু তারারে জোব্ দিলো, “যুনিয়ো মুই নিজোর্ পক্ষে নিজে সাক্ষ্য দুয়োং তো মঅ সাক্ষ্যগান্ সত্য, কিয়া মুই কুত্তুন্ এচ্চ্যং আর কুধু যাঙর্ সিয়েন্ মুই কোই পারং। মাত্তর্ মুই কুত্তুন্ এচ্চ্যং আর কুধু যাঙর্ সিয়েন্ তুমি কোই ন-পারঅ।

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।