যোহন 16:26 - Chakma Bible

²⁶ সেদিন্ন্যে তুমি নিজে মঅ নাঙে মাগিবা, আর মুই ন-কঙত্তে যে, মুয়ই তমা পক্ষ ওইনে বাবা ইধু কোজোলি গুরিম্।

যোহন 16:26 ပူးပေါင်းရင်းမြစ်များ

যোহন 14:16

মুই বাবা ইধু মাগিম্, আর তে তমা ইধু চিরকাল্ থেবাত্যে আর এক্কো বল্ দিয়্যেরে পাধেই দিবো।

যোহন 14:20

সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 16:19

শিচ্চ্যগুনে যে এ পৌইদ্যেনে কিজু পুযোর্ গুরিবাত্তে চাদন্, সিয়েন্ বুঝি পারিনে যীশু তারারে কলঅ, মুই যে কোইয়োং, কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা, এ পৌইদ্যেনে কি তুমি নিজো ভিদিরে কুয়োকি গরর্?

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 16:30

ইক্কে আমি বুঝি পাজ্জ্যেই, তর্ অজানা কিচ্চু নেই, আর কেঅ যে তরে কনঅ কিজু পুযোর্ গরন্ সিয়েন দরকার্-অ তর্ নেই। ইয়েনত্যে আমি বিশ্বেজ্ গুরিই যে, তুই গোজেনত্তুন্ এচ্চ্যস্।”

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 17:9

মুই বেক্কুনোত্তে কোজোলী ন-গরঙর্, মাত্তর্ যিগুনোরে তুই মঅ আদত্ দুয়োচ্ তারাত্যে কোজোলি গরঙর্, কিয়া তারা দঅ তরই।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।