যোহন 16:25 - Chakma Bible

²⁵ “এ বেক্‌ শিক্ষ্যের্ কধানি মুই তমা ইধু তুলোনা দিইনে কলুং। মাত্তর্ এমন্‌ অক্‌ত এজের্ যেক্কে মুই আর তুলোনা দিইনে তমা ইধু কধা ন-কোম্, মাত্তর্ খুলোমেলা গুরি বাবা পৌইদ্যেনে কোম্।

যোহন 16:25 ပူးပေါင်းရင်းမြစ်များ

গীতসংহিতা 49:4

মুই শিক্ষ্যেলোই ভরা উপমাগানিত্ মনান্ দিম্; বীণার সমারে গান গেইনে তার গভিন বেপারে বুঝেম্।

গীতসংহিতা 78:2

মুই উপমা দিইনে কধানি ভাঙি কোম্; মুই পুরণ দিনো হবর্ ন-পেইয়্যে কধানি কোম।

গম্ উপদেজ্ 1:6

যেন মানুচ্চুনে চলেত্যে কধানি সিয়েনি আর ভেদ্‌বলা কধানি আর জ্ঞানীগুনোর কধানি আর ভানাগানি বুঝোন্।

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

মার্ক 4:13

সে পরেদি যীশু তারারে কলঅ, “তুমি কি এ হিত্ত্যবোর্ অত্তগান্ ন-বুঝিলে? সালে কেধোক্ক্যেন্ গুরি অন্য হিত্ত্যবোর্ অত্তগান্ বুঝিবে?

মার্ক 4:34

হিত্ত্য বাদে তে তারারে শিক্ষ্যে ন-দিদো, মাত্তর্ শিচ্চ্যগুনে যেক্কে তা সমারে গায় গায় থেদাক্ সেক্কে তে বেক্কানি তারারে বুঝেই দিদো।

মার্ক 8:32

এই বেক্ কধানি তে জদবদেগুরি কলঅ। সেক্কে পিতর যীশুরে এক কিত্তেদি নেযেইনে আবিত্তি গরা ধুরিলো।

যোহন 10:24

সেক্কে যিহূদী নেতাগুনে যীশুর্ চেরোকিত্ত্যে থুবেইনে কলাক্, “আর কয়দিন তুই আমারে সন্দেহ ভিদিরে রাগেবে? যুনি তুই মশীহ ওই থাচ্ সালে গমেদালে আমারে কঅ।”

যোহন 10:6

সেই ফরীশীগুনোরে শিক্ষ্যে দিবাত্যে যীশু এ কধাগান্ কলঅ মাত্তর্ তে যে কি কোইয়্যে সিয়েন্ তারা ন-বুঝিলাক্।

যোহন 16:12

তমা ইধু আরঅ বোউত্ কধা মর্ কবার্ আঘে, মাত্তর্ ইক্কিনে তুমি সিয়েনি সোজ্য গুরি ন-পারিবা।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।