যোহন 16:22 - Chakma Bible

²² সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

যোহন 16:22 ပူးပေါင်းရင်းမြစ်များ

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

গীতসংহিতা 146:2

মুই জিংকানিরব্ লগেপ্রভুরে বাঈনী গুরিম; যেদকদিন্ মুই বাঁজি থেম্ সেদকদিন্ মঅ গোজেনরে নাঙ্ গিনি গিনি গান গেম্।

গীতসংহিতা 33:21

অয়, তারে ঘিরি রোইয়্যেদে আমা মনর্ রঙ্গ-ফুত্তিগানিয়ে, কিত্যে আমি তার্ পবিত্রতাগান উগুরে বিশ্বেজ্ গুরিই।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 19:26

“তে কলঅ, ‘মুই তমারে কঙর্, যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার যিগুন্ আঘন্ সিগুন্‌‌‌‌অ তাত্তুন্ নেযা অবঅ।

লূকে লেখ্যে গম্ হবর্ 24:41

মাত্তর্ তারা এদক্ আমক্ আর হুজী ওইয়োন্ যে, বিশ্বেজ্ গুরি ন-পাত্তন্। সেক্কে যীশু তারারে কলঅ, “তমা ইধু কি কনঅ হেবার্ জিনিস আঘে?”

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 16:16

“কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা।”

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যোহন 16:6

মুই তমারে ইয়েনি কোইয়োং কিনেই বরং তমা মনানি দুঘে ভুরি যেইয়্যে।

যোহন 21:7

যীশু যে শিচ্চ্যবোরে কোচ্‌পেদঅ সেই শিচ্চ্যবো পিতররে কলঅ, “তে প্রভু যীশু।” সেক্কে শিমোন-পিতর কিয়্যেত্ কনঅ কাবড়্ ন-এলঅ। সেনত্তে যেক্কে তে শুনিলো, “তে প্রভু যীশু,” সেক্কে কিয়্যেত্ কাবড়ান্ বেড়েইনে সাগরত্ ঝাম্ দিলো।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

প্রেরিত্‌ 13:52

মাত্তর্ সিধুগোর্ শিচ্চ্যগুনে হুজিয়্যে আর পবিত্র আত্মায় পুরেলাক্।

প্রেরিত্‌ 16:25

সেক্কে প্রায় রেত্ সম্মাক্ ওইয়্যে। পৌল আর সীলে তবনা গত্তন্ আর গোজেনর্ নাঙে বাঈনী-গীত্ গাদন্। অন্য বন্দীগুনে সিয়েন্ শুনোদন্।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;