যোহন 16:17 - Chakma Bible

¹⁷ এ কধাগান্ শুনিনে যীশুর শিচ্চ্যগুনো ভিদিরে কুয়ো কি গরা ধুরিলাক্, “ইবে আমারে ইয়েন্ কি কর্, ‘কয়েক্ দিন বাদে তুমি আর মরে ন-দেগিবা, আরঅ কয়েক্ দিন বাদে তুমি মরে দেগিবা’? আরঅ তে কত্তে, ‘মুই বাবা ইধু যাঙর্।’

যোহন 16:17 ပူးပေါင်းရင်းမြစ်များ

মার্ক 9:10

শিচ্চ্যগুনে যীশুর উগুমান্ পালেলাক্, মাত্তর্ মরণত্তুন্ জেদা ওই উদোনার অত্তগান্ কি সিয়েন নিজো ভিদিরে কুয়ো কি গরা ধুরিলাক্।

মার্ক 9:32

মাত্তর্ শিচ্চ্যগুনে যীশু কধাগানর মানেগান্ বুঝি ন-পারিলাক্ আর তারে পুযোর্ গুরিবাত্তেয়ো তারার্ দর্ লাগিলো।

লূকে লেখ্যে গম্ হবর্ 18:34

মাত্তর্ শিচ্চ্যগুনে ইয়েনি পৌইদ্যেনে কিচ্চু ন-বুঝিলাক্‌। সে কধাগানর্ অত্তগান্ তারা ইধু গুমোরত্ রাগা ওইয়্যে বিলি যীশু যে কি কোইয়্যে সিয়েন্ তারা ন-বুঝিলাক্।

লূকে লেখ্যে গম্ হবর্ 9:45

মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।

যোহন 12:16

যীশুর্ শিচ্চ্যগুনে পত্তমে ইয়েনি বুঝি ন-পারিলাক্। যেরেদি যীশুর্ মহিমাগান্ যেক্কে ফগদাং অলঅ সেক্কে তারার্ মনত্ পড়িলো পবিত্র বোইবোর্ সে কধাগান্ যীশু পৌইদ্যেনে লেগা ওইয়্যে। তারার্ আরঅ মনত্ পড়িলো মানুচ্চুনে যীশুত্যে ইয়েনি বেক্কানি গোজ্যন্।

যোহন 14:22

সেক্কে যিহূদা (ইষ্কারিয়োৎ নয়) তারে কলঅ, “প্রভু, কিত্ত্যে তুই বানা আমা ইধু নিজোরে ফগদাং গুরিবে, জগদ মানুচ্চুনো ইধু ন-গুরিবে?”

যোহন 14:5

থোমা যীশুরে কলঅ, “প্রভু, তুই কুধু যর্ সিয়েন্ আমি কোই ন-পারিই, সালে পথ্‌তান্ কেধোক্ক্যেন্ গুরি হবর্ পেবং?”

যোহন 16:1

মুই তমারে এ বেক্‌ কধানি কলুং যেন তুমি বিশ্বেজে ঠিগ্ থাগঅ।

যোহন 16:16

“কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা।”

যোহন 16:18

যে কিজু কালর্ কধা ইবে কর্, সিবে কি? আমি বুঝি ন-পারির্ তে কি কর্।”

যোহন 16:19

শিচ্চ্যগুনে যে এ পৌইদ্যেনে কিজু পুযোর্ গুরিবাত্তে চাদন্, সিয়েন্ বুঝি পারিনে যীশু তারারে কলঅ, মুই যে কোইয়োং, কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা, এ পৌইদ্যেনে কি তুমি নিজো ভিদিরে কুয়োকি গরর্?

যোহন 16:5

যে মরে দিপাধেয়্যে মুই ইক্কিনে তা ইধু যাঙর্, আর তমাত্তুন্ কেঅ মরে পুযোর্ অ ন-গরন্, তুই কুধু যর্?