যোহন 16:14 - Chakma Bible

^14-15 সেই সত্যর্ আত্মাগানে মর্ মহিমাগান্ ফগদাং গুরিবো, কিয়া মুই যিয়েনি গরং আর কং সেনত্তে তে তমা ইধু ফগদাং গুরিবো। বাবার্ যিয়েনি আঘে সিয়েনি বেক্কানি মর্। সেনত্তে মুই কোইয়োং, মুই যিয়েন গরং আর কং সেনত্তে তে তমা ইধু ফগদাং গুরিবো।

যোহন 16:14 ပူးပေါင်းရင်းမြစ်များ

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

১ করিন্হীয় 12:3

মুই তমারে জানাঙর্, গোজেন আত্মালোই কধা কলে কেঅ ন-কন্, “যীশু উগুরে অভিশাপ্ পোরোক্।” আরঅ পবিত্র আত্মার্ মাধ্যমে ন-অলে কেঅ কোই ন-পারন্, “যীশু প্রভু”।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 5:5

মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

১ যোহন 5:6

ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”