যোহন 15:26 - Chakma Bible

²⁶ যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

যোহন 15:26 ပူးပေါင်းရင်းမြစ်များ

লূকে লেখ্যে গম্ হবর্ 24:49

চঅ, মঅ বাপ্পো যিয়েনি দিবার্ এগেম্ গোজ্যে সিয়েনি মুই তমা ইধু পাধেই দিম্। স্বর্গত্তুন্ খেমতা ন-পানা সং তুমি এই শঅরত্ থাক্ক্য।”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

যোহন 16:7

তো মুই তমারে সত্য কধা কঙত্তে, মর্ যানাগান্ তমা পক্ষে গম্, কিয়া মুই ন-গেলে সেই সাহায্যগুরিয়্যেবো তমা ইধু ন-এবঅ। মাত্তর্ মুই যুনি যাং সালে তারে তমা ইধু দি পাধেম্।

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

প্রেরিত্‌ 1:4

সেক্কে এক দিনোত্ যীশু যেক্কে শিচ্চ্যগুনো সমারে এলঅ সেক্কে তারারে এ উগুমান দিয়্যে “তুমি যিরূশালেমান ফেলেই ন-যেইয়ো, মাত্তর্ মঅ বাপ্পোর্ এগেম্ গোজ্যে যে দানর্ কধা তুমি মত্তুন্ শুন্ন্য সিয়েনত্যে বাজ্জেই থাগঅ।

প্রেরিত্‌ 15:8

গোজেনে বেক্কুনোর্ মনানি কোই পারে। তে আমারে যেবাবোত্যেগুরি পবিত্র আত্মাগান দান গোজ্যে, অযিহূদীগুনোরেয়ো সেবাবোত্যেগুরি পবিত্র আত্মাগান দান গুরিনে সাক্ষী দিয়্যেদে যে, তারায়ো পাপত্তুন্ উদ্ধোর্ পেইয়োন।

প্রেরিত্‌ 5:32

আমি ইয়েনি বেক্কানির সাক্ষী আর যিগুনে গোজেনর্ বাধ্য অন্, গোজেনে তারারে যে পবিত্র আত্মা দিয়্যে সেই পবিত্র আত্মাগান্অ সিয়েনর্ সাক্ষী।”

১ করিন্হীয় 1:6

কিয়া খ্রীষ্ট পৌইদ্যেনে আমা সাক্ষ্যগান্ তমা রিবেঙত্ ফুদি থেবঅ।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।