যোহন 15:24 - Chakma Bible

²⁴ যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 15:24 ပူးပေါင်းရင်းမြစ်များ

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 21:32

কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

মথি লেখ্যে গম্ হবর্ 9:33

যীশু সেই ভুদ্‌তোরে ধাবেই দেনার্ পরেদি মানুচ্চো কধা কুয়ো ধুরিলো। সেক্কে বেক্কুনে আমক্ ওইনে কলাক্, “ইস্রায়েল দেজত্ আর কনদিন্‌অ এবাবোত্যে দেগা ন-যায়।”

মার্ক 2:12

সেক্কেনে সেই মানুচ্চো উদিনে তা পাদিবো তুলিলো আর বেক্কুনো মুজুঙেদি বারেদি গেলঅ। ইয়েন্দোই বেক্কুনে আমক্ ওইনে গোজেনরে বাঈনী গুরি কলাক্, “আমি কনদিন্অ এবাবোত্যে ন-দেগিই।”

লূকে লেখ্যে গম্ হবর্ 24:19

যীশু তারারে কলঅ, “কি কি ঘোট্যে?” তারা কলাক্, “নাসরত্ আদামর্ যীশুরে নিইনে যিয়েনি যিয়েনি ঘোট্যে। তে ভাববাদী এলঅ। তে কামে আর কধায় গোজেনর্ আর বেক্‌ মানুচ্চুনো চোগোত্ খেমতাবলা এলঅ।

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 10:37

মঅ বাবঅ কাম্ যুনি মুই ন-গরং সালে তুমি মরে বিশ্বেজ্ ন-গুরিবা।

যোহন 12:10

সেক্কে আজল্ ধর্মগুরুগুনে লাসাররেয়ো মারে ফেলেবাক্ বিলি ঠিগ্ গুরিলাক্,

যোহন 12:45

যে মরে দেগে, যিবে মরে পাধেয়্যে তে তারেয়ো দেগে।

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

যোহন 15:22

মুই যুনি ন-এদুং আর তারা ইধু কধা ন-কদুং সালে তারার্ দুষ্ ন-অদঅ; মাত্তর্ ইক্কিনে পাপত্যে তারার্ কনঅ ছলনা ধুরি ন-পারিবাক্।

যোহন 15:23

যে মরে ঘিনায় তে মঅ বাপ্পোরেয়ো ঘিনায়।

যোহন 16:9

তে পাপ পৌইদ্যেনে চেতনা দিবো, কিয়া মানুচ্চুনে মঅ উগুরে বিশ্বেজ্ ন-গরন্;

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 6:36

মুই দঅ তমারে কোইয়োং, তুমি মরে দেক্ক্য মাত্তর্ তো বিশ্বেজ্ ন-গরঅ।

যোহন 7:31

মাত্তর্ মানুচ্চুনো ভিদিরে ভালোক্‌জনে যীশু উগুরে বিশ্বেজ্ গুরিনে কলাক্, “তে দঅ বোউত্ আমক্ কাম্ গোজ্যে। মশীহ এইনে কি তাত্তুন্-অ বেশ্ আমক্ অবার্ কাম্ গুরিবো?”

যোহন 9:32

পিত্‌থিমী সৃট্টির্ পরেত্তুন্ ধুরিনে কনদিন্অ শুনো ন-যায়, জর্মত্তুন্ ধুরি কানা এমন্‌ কনঅ মান্‌জ্যর্ চোগ্ কেঅ মেলি দিয়্যে।

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

রোমীয় 1:30

অন্যরে নিন্দে গরন্ আর গোজেনরে ঘিনান্। তারা রগ্‌‌‌চদা, বার্‌বো আর দেমাগ্। অন্যেয় কাম্ গুরিবাত্তে তারা নুয়ো নুয়ো ফন্দি বার্ গরন্। তারা মা-বাবর্ উল্লো,

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।

২ তীমথিয় 3:4

তারা বেঈমান, একগোঙ্যে আর বাড়্‌‌বো অবাক্। গোজনরে কোচ্‌ ন-পেইনে তারা সংসারর্ সুগ্‌‌কানরে কোচ্‌পেবাক্।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।