যোহন 15:20 - Chakma Bible

²⁰ মর্ এ কধাগান্ তুমি পুরি ন-ফেল্ল্য, চাগরে তা গিরোজত্তুন্ দাঙর্ নয়। সেনত্তে মানুচ্চুনে যুনি মরে মারে ফেলেবাত্তে চেষ্টা গুরি থান্ সালে তমারেয়ো সিয়েন্ গুরিবাক্; যুনি তারা মঅ কধা শুনি থান্ সালে তমা কধায়ো শুনিবাক্।

যোহন 15:20 ပူးပေါင်းရင်းမြစ်များ

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

মথি লেখ্যে গম্ হবর্ 10:24

মাষ্টরত্তুন্ ছাত্র দাঙর্ নয় আর গিরোজত্তুন্ চাগর্ দাঙর্ নয়।

মার্ক 10:39

তারা কলাক্, “আমি পারিবোং।” সেক্কে যীশু তারারে কলঅ, “যে দুঘোর্ গলজত্ মুই হেম্ তুমি হামাক্কায় সিবেত্ হেবা, আর যে বাপ্তিস্মগান মুই মানি লোম্ সিয়েন তুমিয়ো মানি লবা,

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 6:40

ছাত্র তা মাষ্টর উগুরে নয়, মাত্তর্ গম্ শিক্ষ্যে পেইনে পত্তি ছাত্র তা মাষ্টর্‌‌বো ধোক্ক্যেন্ ওই উদে।

যোহন 10:31

সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।

যোহন 13:16

মুই তমারে ঘেচ্চ্যেক্‌গুরি কঙর্, চাগর্ তা গিরোজত্তুন্ দাঙর্ নয়। যিবেরে দিপাধা ওইয়্যে তে তাত্তুন্ দাঙর্ নয় যে তারে দিপাধেয়্যে।

যোহন 5:16

জিরেবার্ দিনোত্ যীশু এ বেক্‌ কামানি গোজ্যে বিলি যিহূদী নেতাগুনে তারে মারে ফেলেবাত্তে চেষ্টা গুরিলাক্।

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 8:51

মুই তমারে ঘেচ্চ্যেক্‌গুরি কঙর্, কেঅ যুনি মঅ কধা মজিম চলন্ সালে তে কনদিন্অ ন-মুরিবো।”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

১ করিন্হীয় 4:12

আমি নিজে আঢে দর-মর কাম গুরির্। যেক্কে মান্‌জ্যে আমারে গেইল্‌ দুয়োন্ সেক্কে আমি তারার্ ভালেদি চেই; যেক্কে তারা আমারে দুঘ্ দুয়োন সেক্কে আমি সিয়েনি সোজ্জ্য গুরিই;

২ করিন্হীয় 4:9

অত্যেচারিত অলেয়ো গোজেনে আমারে ন-ছাড়ের্; মাদিত্ আযার্ মারিলেয়ো আমি ভস্ত ন-ওর্।

১ থিষলনীকীয় 2:15

সেই যিহূদীগুনে প্রভু যীশুরে আর ভাববাদীগুনোরে মারে ফেল্ল্যন, আর আমা উগুরেয়ো তারা অত্যেচার্ গোজ্জ্যন্। তারা গোজেনরে বেজার্ গরন্, আর বেক্‌ মানুচ্চুনো উগুরে তারার্ শত্রু-ভাব আঘে।

২ তীমথিয় 3:12

আসলে যিগুনে খ্রীষ্ট যীশুর্ লগে মিজেইনে গোজেন উগুরে ভোক্তিবলা জিংকানি কাদেবাত্যে চান্ তারা অত্যেচারিত অবাক্।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।