যোহন 15:18 - Chakma Bible

¹⁸ জগদ মানুচ্চুনে তমারে ঘিনান্, মাত্তর্ মনত্ রাগেয়ো, তা আগেদি তারা মরে ঘিনেয়োন্।

যোহন 15:18 ပူးပေါင်းရင်းမြစ်များ

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

গম্ উপদেজ্ 29:27

গোজেন ভক্ত মানুচ্চুনে অন্যেয় গুরিয়্যেবোরে ঈচ্ গরন্, আর যে মানুচ্চো সোজা পধেদি যায় পাজিগুনে তারে ঈচ্ গরন্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 24:9

সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

মথি লেখ্যে গম্ হবর্ 5:11

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্।

মার্ক 13:13

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

যোহন 16:1

মুই তমারে এ বেক্‌ কধানি কলুং যেন তুমি বিশ্বেজে ঠিগ্ থাগঅ।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 3:20

যে কেঅ অন্যেয় কাম্ গুরি থেলে তে পহ্‌রানরে ঘিনায়। তার্ অন্যেয় কামানি ফগদাং ওই পুড়িবো বিলি তে পহ্‌রঅ ইধু ন-এজে।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 3:13

ভেইলগ্, জগদর্ মানুচ্চুনে যুনি তমারে ঘিনায় সিয়েনত্যে আমক্ ন-ওইয়ো।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।