যোহন 14:24 - Chakma Bible

²⁴ যে মরে কোচ্‌ ন-পায় তে মঅ কধানি মানি ন-চলে। যে কধানি তুমি শুনোর্ সিয়েনি মঅ কধা নয় মাত্তর্ যে মরে দিপাধেয়্যে সেই বাবার্ কধা।

যোহন 14:24 ပူးပေါင်းရင်းမြစ်များ

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

যোহন 14:10

তুই কি বিশ্বেজ্ ন-গরচ্ যে, মুই বাবা সমারে আঘং আর বাবা মঅ সমারে আঘে? যেদক্কানি কধা মুই তমারে কং সিয়েনি মুই নিজোত্তুন্ ন-কং, মাত্তর্ বাবা, যে মঅ সমারে আঘে, তেয়ই তা কামানি গরের্।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 14:25

তমা সমারে থাগদে থাগদে এ বেক্‌ কধানি মুই তমারে কোইয়োং।

যোহন 3:11

তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

যোহন 5:38

সিয়েন বাদে তা কধানি তমা মনত্ ন-থায়, কিয়া তে যিবেরে দিপাধেয়্যে তা উগুরে তুমি বিশ্বেজ্ ন-গরঅ।

যোহন 7:16

জোবত্ যীশু তারারে কলঅ, “মুই যে শিক্ষ্যেগান্ দুয়োং সিয়েন মর্ নিজোর্ নয়, মাত্তর্ যে মরে দিপাধেয়্যে, তার্।

যোহন 7:28

সিয়েন পরেদি যীশু উবোসনা-ঘরত্ শিক্ষ্যে দিবার্ সময় রঅ ছাড়িনে কলঅ, “তুমি মরেয়ো হবর্ পঅ, আর মুই কুত্তুন্ এচ্চ্যং সিয়েন্-অ কোই পারঅ। তো মুই নিজোত্তুন্ ন-এজং, মাত্তর্ সত্য গোজেনে মরে পাধেয়্যে।

যোহন 8:26

তমা পৌইদ্যেনে কবার্ আর বিচের্ গুরি চেবার্ মর্ বোউৎ কিজু আঘে। মাত্তর্ যে মরে পাধেয়্যে তাইধু মিজে কধা নেই; মুই তাইধু যিয়েনি শুন্ন্যং সিয়েনি মান্‌জ্যরে কং।”

যোহন 8:28

ইয়েনত্যে যীশু কলঅ, “যেক্কে তুমি মান্‌জ্যপুয়োবোরে অজলত্ তুলিবা সেক্কে বুঝি পারিবা, মুয়ই সিবে। আর ইয়েন্অ বুঝি পারিবা যে, মুই নিজোত্তুন্ কনকিজু ন-গরং, বরং বাবা মরে যে শিক্ষ্যেগান্ দিয়্যে মুই সে কধানি কং।

যোহন 8:38

মুই মঅ বাবা ইধু যিয়েনি দেক্ক্যং সে পৌইদ্যেনে কং, আর তুমি তমা বাবত্তুন্ যিয়েনি শুন্ন্য সিয়েনি গুরি থাগঅ।”

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।