যোহন 14:21 - Chakma Bible

²¹ যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

যোহন 14:21 ပူးပေါင်းရင်းမြစ်များ

২ রাজাবলী 18:6

লগেপ্রভুরে তে আজাবোদে ধুরি রাগেয়্যে আর নিত্য তা পধেন্দি চলিদো। লগেপ্রভু মোশিরে যেদক্কানি উগুম দিয়্যে সিয়েনি তে পালেদ।

গীতসংহিতা 35:27

মুই ন্যায়র্ পদথ্ চলঙর্, এ কধাগান যিগুনে শুনোদে গম‌্‌পান তারা হুজি ওইনে রঅ ছাড়োদোক্ আর ফুত্তি গোরোদোক্। তারা আমিঝে কোদোক্, “লগেপ্রভুর বাঈনী ওক্; তার্ চাগরুনোর্ ভালেদি অলে তে হুজি অয়।”

যাত্রা 33:18

মোশি কলঅ, “সালে তর্‌ মহিমাগান মরে দেগা।”

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

যিরমিয় 31:31

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদার মানুচ্চুনোত্তে এক্কান নূয়ো সুদোম্ থিদেবর্ গুরিম।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 14:18

মুই তমারে গায় গায় গুরি ফেলেইনে থোই ন-যেম্; মুই তমা ইধু এইম্।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

যোহন 16:14

সেই সত্যর্ আত্মাগানে মর্ মহিমাগান্ ফগদাং গুরিবো, কিয়া মুই যিয়েনি গরং আর কং সেনত্তে তে তমা ইধু ফগদাং গুরিবো। বাবার্ যিয়েনি আঘে সিয়েনি বেক্কানি মর্। সেনত্তে মুই কোইয়োং, মুই যিয়েন গরং আর কং সেনত্তে তে তমা ইধু ফগদাং গুরিবো।

যোহন 16:27

বাবা নিজে দঅ তমারে কোচ্‌পায়, কিয়া তুমি মরে কোচ্‌পেইয়ো আর বিশ্বেজ্ গোজ্য যে, মুই বাবা গোজেনত্তুন্ এচ্চ্যং।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

প্রেরিত্‌ 22:18

সেই অবস্থায় মুই দেগিলুং প্রভু মঅ সমারে কধা কর্। তে মরে কলঅ, যাদি গর্, ইক্কিনে যিরূশালেমান ছাড়িনে যাগোই, কিয়া মঅ পৌইদ্যেনে তর্ সাক্ষ্যগানি মান্‌জ্যে মানি ন-লবাক্।

২ করিন্হীয় 12:8

প্রভুরে মুই তিন বার্ কোজোলি গোজ্জ্যং যেন তে মত্তুন্ সিবে দূর্ গরে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

১ যোহন 2:5

মাত্তর্ যে তা কধানি পালায় তা ভিদিরে গোজেনর্ কোচ্‌পানাগান ঘেচ্চ্যেকগুরি আঘে। কেঅ যুনি কয় তে তা ভিদিরে আঘে সালে তে যেধোক্ক্যেন গুরি চলিদো সেধোক্ক্যেন গুরি তার্‌অ চলানা উচিত্। ইয়েন্দোই আমি কোই পারিই যে, আমি তা সমারে আঘিই।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

২ যোহন 1:6

কোচ্‌পানাগান অলঅ গোজেনর্ উগুম মজিম্ চলানা। তুমি পৌইল্যাত্তুন্ ধুরি যে উগুমানর্ কধা শুনি এচ্চ্য সেবাবোত্যেগুরি তুমি কোচ্‌পানার্ পধেদি চলঅ।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।