যোহন 14:20 - Chakma Bible

²⁰ সেদিন্ন্যে তুমি জানিবা যে, মুই বাবা সমারে এগত্তর্ আঘং আর তুমি মঅ সমারে এগত্তর্ আঘঅ আর মুই তমা সমারে এগত্তর্ আঘং।

যোহন 14:20 ပူးပေါင်းရင်းမြစ်များ

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 14:10

তুই কি বিশ্বেজ্ ন-গরচ্ যে, মুই বাবা সমারে আঘং আর বাবা মঅ সমারে আঘে? যেদক্কানি কধা মুই তমারে কং সিয়েনি মুই নিজোত্তুন্ ন-কং, মাত্তর্ বাবা, যে মঅ সমারে আঘে, তেয়ই তা কামানি গরের্।

যোহন 14:11

মঅ কধানি বিশ্বেজ্ গরঅ যে, মুই বাবা সমারে আঘং আর বাবা মঅ সমারে আঘে। সিয়েন্ ন-অলে অন্তত: মর্ এই বেক্‌ কামানিত্যে মঅ উগুরে বিশ্বেজ্ গরঅ।

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 16:26

সেদিন্ন্যে তুমি নিজে মঅ নাঙে মাগিবা, আর মুই ন-কঙত্তে যে, মুয়ই তমা পক্ষ ওইনে বাবা ইধু কোজোলি গুরিম্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:7

তারা ইক্কিনে বুঝি পাজ্জ্যন্, যিয়েনি তুই মরে দুয়োচ্ সিয়েনি তত্তুন্ এচ্চ্যে।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

রোমীয় 16:7

তারা মঅ ধোক্ক্যেন যিহূদী আর মর্ সমারে তারায়ো জেলোত্ বন্দী এলাক্। প্রচারগ্‌কুনো ভিদিরে তারা ভারী সর্মানি মানুচ্। তারা মঅ আগেদি খ্রীষ্ট উগুরে বিশ্বেজ্ গোজ্জ্যন্।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।