যোহন 14:2 - Chakma Bible

² মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

যোহন 14:2 ပူးပေါင်းရင်းမြစ်များ

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

যোহন 13:33

“পুয়োলগ্, আর বানা কিজু সময় মুই তমা সমারে আঘং। তুমি মরে তোগেবা, মাত্তর্ মুই যিহূদী নেতাগুনোরে যেবাবোত্যে কোইয়োং, ‘মুই যিধু যাঙর্ তুমি সিধু এই ন-পারিবা,’ সেবাবোত্যে তমারেয়ো ইক্কিনে সিয়েন্ কঙর্।

যোহন 13:36

শিমোন-পিতর যীশুরে কলঅ, “প্রভু, তুই কুধু যর্?” যীশু জোব্ দিলো, “মুই যিধু যাঙর্ তুমি ইক্কিনে মঅ সমারে সিধু এই ন-পারঅ, মাত্তর্ জেরেদি তুমি এবা।”

যোহন 14:28

তুমি শুন্ন্য মুই তমারে কোইয়োং, মুই যাঙল্লোই আরঅ তমা ইধু ফিরি এম্। যুনি তুমি মরে কোচ্‌পেদা সালে মুই মঅ বাবা ইধু যাঙর্ কিনেই হুজী অদা, কিয়া বাবা মত্তুন্-অ দাঙর্।

যোহন 16:4

মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

১ থিষলনীকীয় 5:9

শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 9:8

ইয়েনত্ পবিত্র আত্মাগানে দেগেই দেত্তে যে, যেদক দিন এই উবোসনা তাম্বুলান থেবঅ সেদক দিন সেই দাঙর্ পবিত্র জাগানত্ সুমিবার পথ্‌তান খুলো ন-থেবঅ।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।