যোহন 14:13 - Chakma Bible

¹³ তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 14:13 ပူးပေါင်းရင်းမြစ်များ

মথি লেখ্যে গম্ হবর্ 21:22

তুমি যুনি বিশ্বেজ্ গুরিনে তবনা গরঅ সালে তুমি যিয়েন্ চেবা সিয়েনই পেবা।”

মথি লেখ্যে গম্ হবর্ 7:7

চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

মার্ক 11:24

সেনত্তে মুই তমারে কঙর্, যেক্কেনে তুমি তবনা গরঅ আর কিজু চঅ, বিশ্বেজ্ গোজ্য তুমি সিয়েন পেইয়ো, আর তমাত্তে সিয়েন দিয়্যে অবঅ।

লূকে লেখ্যে গম্ হবর্ 11:9

“ইয়েনত্তে মুই তমারে কঙর্, চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

যোহন 10:30

মুই আর বাবা এক্।”

যোহন 12:44

পরেদি যীশু রঅ দাঙর্ গুরিনে কলঅ, “যে মঅ উগুরে বিশ্বেজ্ গরে তে যে বানা মঅ উগুরে বিশ্বেজ্ গরে সিয়েন্ নয়, মাত্তর্ যে মরে পাধেয়্যে তা উগুরেয়ো বিশ্বেজ্ গরে।

যোহন 13:31

যিহূদা বারেদি যানার্ পরেদি যীশু কলঅ, মান্‌জ্য পুয়োবোর্ মহিমাগান্ ফগদাং অবার্ সময় এচ্চ্যে আর তা মাধ্যমে গোজেনর্ মহিমাগান্ ফগদাং পেবঅ।

যোহন 14:14

মঅ নাঙে যুনি মঅ ইধু কিজু মাগঅ সালে মুই সিয়েন গুরিম্।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 16:26

সেদিন্ন্যে তুমি নিজে মঅ নাঙে মাগিবা, আর মুই ন-কঙত্তে যে, মুয়ই তমা পক্ষ ওইনে বাবা ইধু কোজোলি গুরিম্।

যোহন 16:7

তো মুই তমারে সত্য কধা কঙত্তে, মর্ যানাগান্ তমা পক্ষে গম্, কিয়া মুই ন-গেলে সেই সাহায্যগুরিয়্যেবো তমা ইধু ন-এবঅ। মাত্তর্ মুই যুনি যাং সালে তারে তমা ইধু দি পাধেম্।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

১ করিন্হীয় 14:13

ইয়েনত্যে অন্য কনঅ ভাষায় যে মানুচ্চো কধা কয় তে তবনা গোরোক্ যেন সিয়েনর্ অত্তগান্ তে বুঝেই দি পারে।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

ইফিষীয় 3:14

স্বর্গ আর পিত্‌থিমীর বেক্‌ পরাণ বলা নানান্ পরিবারর্ বেক্কুনোরে যিবের পুয়ো বিলি ডাগা অয় সেই বাব্‌পো মুজুঙোত্ মুই তবনা গুরিবাত্যে আঢু পাদঙর্।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।

১ যোহন 5:14

গোজেন উগুরে আমার এই বিশ্বেজ্‌চান আঘেদে যে, তা আওজ্ মজিম যুনি আমি কিজু মাগিই সালে তে আমা কধানি শুনে।