যোহন 13:7 - Chakma Bible

⁷ যীশু জোব্ দিলো, “মুই যিয়েন্ গরঙর্ সিয়েন্ তুই ইক্কে বুঝি ন-পারর্ মাত্তর্ যেরেদি বুঝি পারিবে।”

যোহন 13:7 ပူးပေါင်းရင်းမြစ်များ

যিরমিয় 32:43

যে দেজ্‌‌চান পৌইদ্যেনে তুমি কধা, ‘ইয়েন এক্কান উগুজ্যে ভুই, ইয়েনত্ মানুচ্ বা য়েমান কিচ্চু নেই, কিত্তে ইয়েন বাবিলীয়গুনো আঢত্ তুলি দিয়্যে ওইয়্যে,’ সে দেজত্ আরঅ ভূই বেজা-কিনে অবঅ।

দানিয়েল 12:12

সেই মানুচ্চো বর্ পেইয়্যে যে বাজ্জ্যেই থায় আর এক আজার্ তিনশঅ পাত্রিশ দিনোর্ থুম্ সং থির্ থায়।

দানিয়েল 12:8

মুই শুনিলুং ঠিগ্ মাত্তর্ কিচ্চু ন-বুঝিলুং। সেনত্তে মুই পুযোর্ গুরিলুং, “ও মর্ প্রভু, ইয়েনি বেক্কানির্ শেজর্ ফল কি অবঅ?”

যোহন 12:16

যীশুর্ শিচ্চ্যগুনে পত্তমে ইয়েনি বুঝি ন-পারিলাক্। যেরেদি যীশুর্ মহিমাগান্ যেক্কে ফগদাং অলঅ সেক্কে তারার্ মনত্ পড়িলো পবিত্র বোইবোর্ সে কধাগান্ যীশু পৌইদ্যেনে লেগা ওইয়্যে। তারার্ আরঅ মনত্ পড়িলো মানুচ্চুনে যীশুত্যে ইয়েনি বেক্কানি গোজ্যন্।

যোহন 13:36

শিমোন-পিতর যীশুরে কলঅ, “প্রভু, তুই কুধু যর্?” যীশু জোব্ দিলো, “মুই যিধু যাঙর্ তুমি ইক্কিনে মঅ সমারে সিধু এই ন-পারঅ, মাত্তর্ জেরেদি তুমি এবা।”

যোহন 13:6

এবাবোত্যেগুরি যীশু যেক্কে শিমোন-পিতর ইধু এলঅ সেক্কে পিতরে তারে কলঅ, “প্রভু, তুই কি মঅ টেঙানি ধোই দিবে?”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।