যোহন 13:34 - Chakma Bible

³⁴ এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

যোহন 13:34 ပူးပေါင်းရင်းမြစ်များ

গীতসংহিতা 119:63

যিগুনে তরে ভোক্তিগুরি দরান আর তর্ সুদোমানি পালান্ মুই তারার বেক্কুনোর সমাজ্যে।

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

যোহন 15:17

এ উগুমান্ মুই তমারে দোঙত্তে যেন, তুমি একজন আরেক জনরে কোচ্‌পঅ।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

রোমীয় 12:10

একজন আরেক জনরে ভেইয়ো ধোক্ক্যেন্ গভীন্ গুরিনে কোচ্‌পেয়ো। নিজোত্তুন্ অন্যরে বেচ্‌ গুরি সর্মান গরঅ।

রোমীয় 13:10

কোচ্‌পেলে কেঅ কাররে ক্ষতি ন-গরে। সালে দেগা যাত্তে, কোচ্‌পানার্ মাধ্যমে বেক্ আইন-কানুনানি পালা অয়।

রোমীয় 13:8

অন্য ইধু এক কোচ্‌পানার কজ্জ বাদে আর অন্য কনঅ কজ্জ যেন তমার্ ন-থায়। যিগুনে অন্যরে কোচ্‌পান সিগুনে মোশির রীদি-সুদোম মানি চলদন্।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

ইব্রীয় 13:1

তুমি একজন আরেক জনরে ভেইয়ো ধোক্ক্যেন কোচ্‌পেইয়ো।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

২ পিতর 1:7

ভোক্তি সমারে ভেইয়োরে কোচ্‌পানা আর সেই কোচ্‌পানার সমারে আরঅ গভীন্ কোচ্‌পানার মনভাব মিজো।

১ যোহন 3:11

যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।

২ যোহন 1:5

আমি যেন একজন আরেকজনরে কোচ্‌পেই, ইয়েনই অলঅ তইধু মর্ কোজোলি। কোচ্‌পেইয়্যে বোন্নো, মুই যিয়েন লেগঙর্ সিয়েন কনঅ নুয়ো উগুম নয়, বরং এ উগুমান আমি পৌইল্যাত্তুন্ ধুরি পেইয়্যেই।