যোহন 13:23 - Chakma Bible

²³ তারাত্তুন্ যীশু যিবেরে কোচ্‌পেদ তে যীশুর কায়কুরে এলঅ।

যোহন 13:23 ပူးပေါင်းရင်းမြစ်များ

২ শমূয়েল 12:3

মাত্তর্‌ সে নাঢা মানুচ্চোর্‌ আর কিচ্ছু ন-এলঅ, এলদে বানা এক্কো চিগোন পাদি-ভেড়া। তে সিবে কিনিনে পালার্‌। সিবে তার্‌ আর তা ঝি-পূঅগুনোর্‌ লগে থেইনে দাঙর্‌ ওই উদের্‌। নাঢা মানুচ্চো যিয়েনি হেদঅ পাদি ভেড়া ছঅবোয়ো সিয়েনি হেদঅ আর তা পিলেবোত্তুন্‌ তে পানি হেদঅ। তার্‌ বুগুদ্‌ তে গুম্ যেদঅ। তে তাইদু তা ঝি ধোক্ক্যেন্‌ এলঅ।

১ রাজাবলী 4:5

নাথনর পূঅ অসরিয়োর উগুরে এলদে নানান্ বাবোত্যে শাজেন্‌গুরিয়্যেগুনোর ভারান্; নাথনর পূঅ সাবূদ অলদে রাজার আপন্ সল্লাদিয়্যে;

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 11:3

ইয়েনত্যে তা বোনুনে যীশুরে এ কধাগান্ কোই পাধেলাক্, “প্রভু, তুই যিবেরে কোচ্‌পাজ্ তার্ অসুগ্ ওইয়্যে।”

যোহন 11:36

সেক্কে যিহূদীগুনে কলাক্, “চঅ, তে লাসাররে কদক্ কোচ্‌পেদঅ।”

যোহন 11:5

মার্থা, তা বোন্নো আর লাসাররে যীশু কোচ্‌পেদঅ।

যোহন 13:24

শিমোন-পিতর তারে ইজিরেদি কলঅ, “তে কা কধা কর্ পুযোর্ গরঅ।”

যোহন 13:25

সেই শিচ্চ্যবো সেক্কে যীশু ইন্দি এলান্ দিইনে কলঅ, “প্রভু, তে কন্না?”

যোহন 19:26

যীশু তা মারে আর যে শিচ্চ্যবোরে কোচ্‌পেদঅ তারে থিয়্যেই থাগদে দেগিলো। পত্তমে তে তা মারে কলঅ, “উইয়ো চাহ্, তঅ পুয়োবো।”

যোহন 20:2

সেনত্তে তে শিমোন-পিতর আর যে শিচ্চ্যবোরে যীশু কোচ্‌পেদঅ সেই শিচ্চ্যবো ইধু ধাবা যেইনে কলঅ, “মানুচ্চুনে প্রভুরে গোরত্তুন্ নেযেয়োন। তারে কুধু থোইয়োন্ আমি সিয়েন হবর্ ন-পেই।”

যোহন 21:20

পিতরে পিজেদি ফিরিনে রিনি চেলঅ, যীশু যিবেরে কোচ্‌পেদ সেই শিচ্চ্যবো পিজে পিজে এজের্। ইবে সেই শিচ্চ্য, যিবে হেবার্ অক্তত্ যীশু ইন্দি এলান্ দিইনে কোইয়্যে, “প্রভু, তরে যে শত্রুগুনো আঢত্ ধুরি দিবো, তে কন্না?”

যোহন 21:24

সেই শিচ্চ্যবো ইয়েনি বেক্কানি সাক্ষি দের্ আর ইয়েনি বেক্কানি লেক্ক্যে। আমি হবর্ পেই তা সাক্ষিগান্ সত্য।

যোহন 21:7

যীশু যে শিচ্চ্যবোরে কোচ্‌পেদঅ সেই শিচ্চ্যবো পিতররে কলঅ, “তে প্রভু যীশু।” সেক্কে শিমোন-পিতর কিয়্যেত্ কনঅ কাবড়্ ন-এলঅ। সেনত্তে যেক্কে তে শুনিলো, “তে প্রভু যীশু,” সেক্কে কিয়্যেত্ কাবড়ান্ বেড়েইনে সাগরত্ ঝাম্ দিলো।