যোহন 13:21 - Chakma Bible

²¹ এ বেক্‌ কধানি কনার্ পরেদি যীশু মনান্ থির্ নেইয়্যে অলঅ। তে খুলোমেলাগুরি কলঅ, “মুই তমারে ঘেচ্চেক্‌গুরি কঙর্, তমাত্তুন্ একজনে মরে শত্রুগুনো আঢত্ ধুরি দিবো।”

যোহন 13:21 ပူးပေါင်းရင်းမြစ်များ

মথি লেখ্যে গম্ হবর্ 26:21

হেবার্ অক্তত্ তে কলঅ, “মুই তমারে ঘেচ্চেক্‌‍‍‍‍গুরি কঙর্, তমা ভিদিরেত্তুন্ একজনে মরে শত্রুগুনো আঢত্ ধুরি দিবো।”

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

মার্ক 14:18

তারা যেক্কে বুয়োইনে খাদন্ সেক্কে যীশু কলঅ, “মুই তমারে ঘেচ্চেক্‌গুরি কঙর্, তমা ভিদিরেত্তুন্ একজনে মরে ধুরি দিবো, আর তে মঅ সমারে খার্।”

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

যোহন 11:33

যীশু মরিয়মরে আর তা সমারে যে যিহূদীগুন্ এচ্চ্যন্ তারারে কানদে দেগিনে মনান্ অমকদ যাগুলুক্ অলঅ।

যোহন 11:35

সেক্কে যীশু কানিলো।

যোহন 11:38

ইয়েন্দোই যীশুর মনান্ আরঅ যাগুলুক্ অলঅ আর কবরঅ ইধু গেলঅ। কবরান এলঅ এক্কো গাঢ্। সে গাঢ মুয়োনত্ এক্কো পাত্তর্ বোজেয়্যে এলঅ।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

যোহন 13:22

যীশু কা কধা কর্ সিয়েন্ বুঝি ন-পারিনে শিচ্চ্যগুনে একজন আরেকজন ইন্দি রিনি চাহ্ ধুরিলাক্।

প্রেরিত্‌ 17:16

পৌল এথেন্স শঅরত্ সীল আর তীমথিয়ত্যে বাজ্জেই থেবার্ অক্তত্ সেই শঅরান্ মূত্তিলোই ভরা দেগিলো। সেক্কে তা মনান্ অমকদ গম্ ন-লাগিলো।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।