যোহন 13:18 - Chakma Bible

¹⁸ “মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:18 ပူးပေါင်းရင်းမြစ်များ

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

মথি লেখ্যে গম্ হবর্ 10:36

এক্কো মান্‌জ্যর নিজো গিরি মানুচ্চুনে তার্ শত্রু অবাক্।

মথি লেখ্যে গম্ হবর্ 26:21

হেবার্ অক্তত্ তে কলঅ, “মুই তমারে ঘেচ্চেক্‌‍‍‍‍গুরি কঙর্, তমা ভিদিরেত্তুন্ একজনে মরে শত্রুগুনো আঢত্ ধুরি দিবো।”

মথি লেখ্যে গম্ হবর্ 26:23

জোবত্ তে তারারে কলঅ, “যে মঅ সমারে পিলেবোত্ আঢ্‌তান দের্ তেয়ই মরে ধুরি দিবো।

মার্ক 14:17

যেক্কেনে সাজোন্যে অলঅ যীশু সেই বারজন্ শিচ্চ্যরে নিইনে সিধু এলঅ।

মার্ক 14:18

তারা যেক্কে বুয়োইনে খাদন্ সেক্কে যীশু কলঅ, “মুই তমারে ঘেচ্চেক্‌গুরি কঙর্, তমা ভিদিরেত্তুন্ একজনে মরে ধুরি দিবো, আর তে মঅ সমারে খার্।”

মার্ক 14:20

যীশু তারারে কলঅ, “তে এই বারজন ভিদিরে একজন, যে মঅ সমারে পিলেবোত্ রুটিগান্ ভুরোর্।

লূকে লেখ্যে গম্ হবর্ 22:21

চঅ, যে মরে ধুরি দিবো তা আঢ্‌তান্ মঅ আঢ্‌তানি সমারে এ টেবিলো উগুরে আঘে।

যোহন 13:21

এ বেক্‌ কধানি কনার্ পরেদি যীশু মনান্ থির্ নেইয়্যে অলঅ। তে খুলোমেলাগুরি কলঅ, “মুই তমারে ঘেচ্চেক্‌গুরি কঙর্, তমাত্তুন্ একজনে মরে শত্রুগুনো আঢত্ ধুরি দিবো।”

যোহন 13:22

যীশু কা কধা কর্ সিয়েন্ বুঝি ন-পারিনে শিচ্চ্যগুনে একজন আরেকজন ইন্দি রিনি চাহ্ ধুরিলাক্।

যোহন 13:26

যীশু জোব্ দিলো, “এ রুটির্ কট্টাগান্ কদরাবোত্ ভুরেইনে যারে দিম্ তেয়ই সে মানুচ্চো।” আর তে রুটির্ কট্টাগান্ কদরাবোত্ ভুরেইনে শিমোন ইষ্কারিয়োত পুয়ো যিহূদারে দিলো।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:19

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।

যোহন 15:25

ইয়েন ওইয়্যে যেন তারার্ আইন-কানুনোত্ লেগা এ কধাগান্ পূরোণ্ অয়, তারা অকারণে মরে ঘিনেয়োন্।

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 18:32

কেধোক্ক্যেন্ গুরি নিজোর্ মরণ অবঅ যীশু আগেদি সিয়েন্ কোইয়্যে। ইয়েন্ ঘুদিলো যেন তার্ সেই কধাগান্ পূরোণ্ অয়।

যোহন 19:24

সিয়েন্ দেগিনে সৈন্যগুনে একজন আরেক্ জনরে কলাক্, “ইবে ন-ফাদিনে বরং ভাগ্য পোরোক্ষ্যে গুরি চেই ইবে কার্ অবঅ।” ইয়েন্ ঘোট্যে যেন পবিত্র বোইবোর্ এ কধাগান্ পূরোণ অয়, তারা নিজো ভিদিরে মঅ কাবড়-চুগোড়ানি ভাগ্ গত্তন্, আর মঅ কাবড়ানিত্ত্যে তারা ভাগ্য পোরোক্ষ্যে গত্তন্। আর ঘেচ্চ্যেক্‌‌গুরি সৈন্যগুনে ইয়েনি বেক্কানি গুরিলাক্।

যোহন 19:36

ইয়েনি বেক্কানি ঘোট্যে যেন পবিত্র বোইবোর্ এ কধাগান্ পূরোণ অয়, “তার্ এক্কো আড়্অ ভাঙা ন-অবঅ।”

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

যোহন 6:70

সেক্কে যীশু তারারে কলঅ, “মুই তমা বার জনরে কি বেঈ ন-নেযাং? অদচ তমা ভিদিরে এক্কো শত্রু আঘে।”

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।