যোহন 13:17 - Chakma Bible

¹⁷ ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

যোহন 13:17 ပူးပေါင်းရင်းမြစ်များ

পত্থম 6:22

নোহ সেবাবোত্যে গুরিলো। গোজেনর্ উগুম মজিম্‌ তে বেক্কানি গুরিলো।

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

যাত্রা 40:16

লগেপ্রভু মোশিরে যেধোক্ক্যেন গুরি উগুম দিয়্যে মোশি সেধোক্ক্যেন বেক্কানি গুরিলো।

গম্ উপদেজ্ 29:18

যিয়েনত্ ভাববাদীগুনোর ভিদিরেদি গোজেনে তার সত্যগান ফগদাং ন-গরে সে জাগার মানুচ্চুনে হযবরল অন; মাত্তর্ সে মানুচ্চো বর্ পেইয়্যে যে লগেপ্রভুর সুদোমানি মানি চলে।

যিরমিয় 11:6

লগেপ্রভু মরে যিহূদার শঅরানিত্ আর যিরূশালেমর পধে পধে এ কধাগান ফগদাং গুরিবাত্তে কলঅ, “এ বেবস্থার কধানি শুনিনে সিয়েনি পালঅ।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

রোমীয় 2:13

যিগুনে বানা রীদি-সুদোম কধা শুনোন্ সিগুনে গোজেনর্ চোগেদি নিদ্দুজি নয়, মাত্তর্ যিগুনে রীদি-সুদোম পালান্ গোজেনে তারারে নিদ্দুজি বিলি মানি লবঅ।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

যাকোব 4:17

সালে দেগা যায়, গম কাম গুরিবার্ কধা কোই পারিনেয়ো যে সিয়েন ন-গরে তে পাপ গরে।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।