যোহন 13:13 - Chakma Bible

¹³ তুমি মরে মাষ্টর্ আর প্রভু বিলি ডাগঅ, আর সিয়েন্ থিগই কঅ কিয়া মুয়ই সিবে।

যোহন 13:13 ပူးပေါင်းရင်းမြစ်များ

যিরমিয় 1:12

লগেপ্রভু মরে কলদে, “তুই ঠিগই দেখ্যচ্, কিত্তে মঅ কধানি যেনে ফলে সিয়েনি মুই খিয়েল রাগেয়োং।”

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

লূকে লেখ্যে গম্ হবর্ 10:28

যীশু তারে কলঅ, “তুই ঠিগ্ জোব্‌পান দুয়োচ্। যুনি তুই সিয়েন্ গুরি থাচ্ সালে জিংকানি পেবে।”

লূকে লেখ্যে গম্ হবর্ 6:46

“তুমি কিত্তে মরে ‘প্রভু, প্রভু’ বিলি ডাগ, অদচ মুই যিয়েন কং সিয়েন ন-গরঅ?

লূকে লেখ্যে গম্ হবর্ 7:43

শিমোনে কলঅ, “মর্ মনে অয়, যিবের্ বেশ্ কজ্জ খেমা গরা অলঅ সিবেই।” যীশু তারে কলঅ, “তুই ঠিগ্ কোইয়োচ্।”

যোহন 11:2

ইবে সেই মরিয়ম যিবে প্রভুর টেঙত্ তুম্‌বাচ্‌ তেল্ ঢালি দিইনে নিজো চুলান্দোই তা টেঙান্ পুযি দিয়্যে। যে লাসারর্ অসুগ্ ওইয়্যে তে অলঅ এ মরিয়মর ভেই।

যোহন 11:28

এ কধাগান্ কোইনে মার্থা যেইনে তা বোন মরিয়মরে চুবেচুবে ডাগিনে কলঅ, “মাষ্টরবাবু ইয়েনত্ আঘে আর তরে ডাগের্।”

যোহন 11:3

ইয়েনত্যে তা বোনুনে যীশুরে এ কধাগান্ কোই পাধেলাক্, “প্রভু, তুই যিবেরে কোচ্‌পাজ্ তার্ অসুগ্ ওইয়্যে।”

১ করিন্হীয় 12:3

মুই তমারে জানাঙর্, গোজেন আত্মালোই কধা কলে কেঅ ন-কন্, “যীশু উগুরে অভিশাপ্ পোরোক্।” আরঅ পবিত্র আত্মার্ মাধ্যমে ন-অলে কেঅ কোই ন-পারন্, “যীশু প্রভু”।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

ফিলিপীয় 2:11

আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

যাকোব 2:19

তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।