যোহন 12:49 - Chakma Bible

⁴⁹ কিয়া মুই দঅ নিজোত্তুন্ কিচ্চু ন-কং, মাত্তর্ যে মরে পাধেয়্যে সেই বাবা নিজেই মরে উগুম্ গোজ্যে কি কি কুয়ো পুরিবো।

যোহন 12:49 ပူးပေါင်းရင်းမြစ်များ

যোহন 14:10

তুই কি বিশ্বেজ্ ন-গরচ্ যে, মুই বাবা সমারে আঘং আর বাবা মঅ সমারে আঘে? যেদক্কানি কধা মুই তমারে কং সিয়েনি মুই নিজোত্তুন্ ন-কং, মাত্তর্ বাবা, যে মঅ সমারে আঘে, তেয়ই তা কামানি গরের্।

যোহন 14:24

যে মরে কোচ্‌ ন-পায় তে মঅ কধানি মানি ন-চলে। যে কধানি তুমি শুনোর্ সিয়েনি মঅ কধা নয় মাত্তর্ যে মরে দিপাধেয়্যে সেই বাবার্ কধা।

যোহন 14:31

মাত্তর্ ইয়েন ঘদের্ যেন মানুচ্চুনে কোই পারন্ যে, মুই বাবারে কোচ্‌পাং আর বাবা মরে যেবাবোত্যে উগুম্ দিয়্যে মুই বেক্কানি সেবাবোত্যে গরং। ইক্কে উদো, আমি ইয়োত্তুন যেই।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:11

তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 3:32

তে যিয়েন্ দেক্ক্যে আর শুন্ন্যে সিয়েনই সাক্ষ্য দে, মাত্তর্ কেঅ তার্ সাক্ষ্য মানি ন-লন্।

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

যোহন 7:16

জোবত্ যীশু তারারে কলঅ, “মুই যে শিক্ষ্যেগান্ দুয়োং সিয়েন মর্ নিজোর্ নয়, মাত্তর্ যে মরে দিপাধেয়্যে, তার্।

যোহন 8:26

তমা পৌইদ্যেনে কবার্ আর বিচের্ গুরি চেবার্ মর্ বোউৎ কিজু আঘে। মাত্তর্ যে মরে পাধেয়্যে তাইধু মিজে কধা নেই; মুই তাইধু যিয়েনি শুন্ন্যং সিয়েনি মান্‌জ্যরে কং।”

যোহন 8:28

ইয়েনত্যে যীশু কলঅ, “যেক্কে তুমি মান্‌জ্যপুয়োবোরে অজলত্ তুলিবা সেক্কে বুঝি পারিবা, মুয়ই সিবে। আর ইয়েন্অ বুঝি পারিবা যে, মুই নিজোত্তুন্ কনকিজু ন-গরং, বরং বাবা মরে যে শিক্ষ্যেগান্ দিয়্যে মুই সে কধানি কং।

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।