যোহন 12:37 - Chakma Bible

³⁷ যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 12:37 ပူးပေါင်းရင်းမြစ်များ

মথি লেখ্যে গম্ হবর্ 11:20

যীশু যেদক্কানি আদামত্ আর শঅরত্ বেশ্ ভাগ আমক্ কাম গোজ্যে সেই বেক্ জাগানির্ মানুচ্চুনে মনানি ন-ফিরেন্। ইয়েনত্তে সেই জাগানিরে তে অঘধা কুয়ো ধুরিলো,

লূকে লেখ্যে গম্ হবর্ 16:31

“সেক্কে অব্রাহামে কলঅ, মোশি আর ভাববাদীগুনোর্ কধা যুনি তারা ন-শুনোন্ সালে মরাগুনোত্তুন্ কেঅ উদিলেয়ো তারা বিশ্বেজ্ ন-গুরিবাক্।”

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 12:36

পহ্‌রান্ তমা ইধু থাদে সময় পহ্‌রান উগুরে বিশ্বেজ্ গরঅ যেন তুমি সেই পহ্‌র মানুচ্ ওই পারঅ।” এ বেক্ কধানি কনার্ পরেদি যীশু মানুচ্চুনো মুজুঙোত্তুন্ যেইনে নিজোরে লুগেই রাগেল।

যোহন 12:38

ইয়েন ওইয়্যেদে যেন ভাববাদী যিশাইয় কোইয়্যে এ কধাগান্ পূরোণ্ অয়: প্রভু, আমার দিয়্যে হবরান্ কন্না বিশ্বেজ্ গোজ্জ্যে কা ইধু বা প্রভুর্ খেমতাবলা আঢ্‌তান্ ফগদাং ওইয়্যে?

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 6:2

সয়-সাগোজ্যে মানুচ্‌ যীশুর্ পিযে পিযে যাহ্ ধল্ল্যাক্, কিয়া পিড়েল্ল্যেগুনো উগুরে তে যে চিহ্নো ইজেবে যেদক্কানি আমক্ অবার্ কাম্ গোজ্যে তারা সিয়েনি দেক্ক্যন্।