যোহন 12:26 - Chakma Bible

²⁶ কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 12:26 ပူးပေါင်းရင်းမြစ်များ

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

গম্ উপদেজ্ 27:18

যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মার্ক 8:34

ইয়েনর্ পরেদি তে শিচ্চ্যগুনোরে আর অন্য মানুচ্চুনোরে তা কায়কুরে ডাগিনে কলঅ, “যুনি কেঅ মঅ পধেদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজেদি এজোক্।

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

লূকে লেখ্যে গম্ হবর্ 6:46

“তুমি কিত্তে মরে ‘প্রভু, প্রভু’ বিলি ডাগ, অদচ মুই যিয়েন কং সিয়েন ন-গরঅ?

লূকে লেখ্যে গম্ হবর্ 9:23

সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্‌চান্ বুয়োইনে তে মঅ পিজেদি এজোক্।

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 13:16

মুই তমারে ঘেচ্চ্যেক্‌গুরি কঙর্, চাগর্ তা গিরোজত্তুন্ দাঙর্ নয়। যিবেরে দিপাধা ওইয়্যে তে তাত্তুন্ দাঙর্ নয় যে তারে দিপাধেয়্যে।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

যোহন 15:20

মর্ এ কধাগান্ তুমি পুরি ন-ফেল্ল্য, চাগরে তা গিরোজত্তুন্ দাঙর্ নয়। সেনত্তে মানুচ্চুনে যুনি মরে মারে ফেলেবাত্তে চেষ্টা গুরি থান্ সালে তমারেয়ো সিয়েন্ গুরিবাক্; যুনি তারা মঅ কধা শুনি থান্ সালে তমা কধায়ো শুনিবাক্।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 21:22

যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 14:18

যে এবাবোত্যেগুরি খ্রীষ্টরে সেবা গরে গোজেনে তা উগুরে হুজি অয় আর মান্‌জ্যেয়ো তারে গম্ মনে গরন্।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।