যোহন 12:25 - Chakma Bible

²⁵ যে নিজো পরাণানরে বেশ্ কোচ্‌পায় তে তার্ ঘেচ্চেক্‌গুরি জিংকানিগান্ আরায়, মাত্তর্ যে এ জগদত্ সিয়েন্ ন-গরে তে তার্ ঘেচ্চেক্‌গুরি জিংকানিগান্ উমরত্যে রোক্ষ্যে গুরিবো।

যোহন 12:25 ပူးပေါင်းရင်းမြစ်များ

উপদেশক 2:17

সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

মথি লেখ্যে গম্ হবর্ 10:39

যে কনজনে নিজোর্ জিংকানিগান্ রোক্ষ্যে গুরিবাত্তে চায় তে তার্ ঘেচ্চেক্‌গুরি জিংকানিগান্ আরেব; মাত্তর্ যে কনজনে মত্তে তা পরাণান্ আরায় তে তার্ ঘেচ্চেক্‌গুরি জিংকানিগান্ রোক্ষ্যে গুরিবো।

মথি লেখ্যে গম্ হবর্ 16:25

যে কেঅ তার নিজোত্তে বাঁজি থেবার্ চায় তে তার্ জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে তা পরাণান্ আরায় তে তার্ জিংকানিগান্ ঘেচ্চেক্‌গুরি রোক্ষ্যে গুরিবো।

মথি লেখ্যে গম্ হবর্ 19:29

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

মার্ক 8:35

যে কেঅ তার নিজোত্তে বাঁজি থেবার্ চায় তে তার্‌‍‍‍ ‌‍‍‍জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে আর গোজেনর দিয়্যে গম্ হবরত্তে তা পরাণান্ আরায়, তে তার ঘেচ্চেক্‌‌গুরি জিংকানিগান রোক্ষ্যে পেবঅ।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 17:33

যে কেঅ তার্ জিংকানিগান্ রোক্ষ্যে গুরিবাত্তে চেষ্টা গরে তে তার্ ঘেচ্চেক্‌‍‍‍গুরি জিংকানিগান্ আরেব, আর যে কেঅ তা পরাণান্ আঝাই তে তার ঘেচ্চেক্‌‍‍‍গুরি জিংকানিগান্ রোক্ষ্যে গুরিবো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

ইব্রীয় 11:35

মিলেগুনে তারার্ মরা মানুচ্চুনোরে আরঅ জেদা অবস্থায় ফিরি পেইয়োন। অন্যগুনে নিজোর্ আওজ্ মজিম জেলোত্তুন্ ছড়ান্ পেলেয়ো আর দুঘোত্ ভুগ্‌কোন, যেনে তারা মরণত্তুন্ জেদা ওইনে আরঅ গম জিংকানির্ অধিকারী অন্।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।