যোহন 11:55 - Chakma Bible

⁵⁵ সেক্কে যিহূদীগুনোর্ উদ্ধোর্-পরব্ কায়কুরে এচ্চ্যে। পরবর্ আগেদি নিজোরে সিজি গুরিবাত্যে ভালোক্কুন্ মানুচ্ আদামত্তুন্ যিরূশালেমত্ যেয়োন্।

যোহন 11:55 ပူးပေါင်းရင်းမြစ်များ

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

গণাণা 9:10

ইস্রায়েলীয়গুনোরে কোইদে, তারা বা তারার্‌ বংশধরুনো ভিদিরে যুনি কনজনে মরাকিয়্যে ধরানার্‌ কারনে ফি-বলা দজাত্‌ পড়ন্‌ বা তারা যুনি দূরোত্ যাইদে পদথ্‌ থান্‌ তো তারা লগেপ্রভুর নাঙে উদ্ধোর অনার-পরপ্পো পালন গুরি পেবাক্।

গণাণা 9:6

সেই সময়োত্‌ তারা ভিদিরে কয়েকজন মান্‌জ্যে এক্কো মরাকিয়্যে ধরানার্‌ কারনে ফি-বলা দজাত্‌ পুরিনে সেদিন্যে উদ্ধোর্ অনার-পরপ্পো পালন গুরি ন-পারিলাক্। তারা সেদিন্যে মোশি আর হারোণ ইদু গেলাক্।

মথি লেখ্যে গম্ হবর্ 26:1

এই বেক্ কধানির্ শেজদি যীশু তা শিচ্চ্যগুনোরে কলঅ,

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মার্ক 14:1

সেক্কেনে উদ্ধোর-পরব্ আর সদানেইয়্যে রুটি পরবর্ বানা আর দ্বিদিন বাগি। আজল্ ধর্মগুরুগুনে আর ধর্ম-মাষ্টরুনে ভিদিরে ভিদিরে যীশুরে ধুরিনে মারে ফেলেবার্ পথ্‌‌তান্ তগাদন্।

লূকে লেখ্যে গম্ হবর্ 22:1

সে অক্তত্ যিহূদীগুনোর্ সদানেইয়্যে রুটির পরব্ কায়কুরে লুম্মেগি। ইবেরে উদ্ধোর্ পরব্অ কুয়ো অয়।

যোহন 12:1

উদ্ধোর-পরব ছদিন্ আগে যীশু বৈথনিয়াত্ গেলঅ। যিবেরে তে মরণত্তুন্ জেদা গোজ্যে সেই লাসারে বৈথনিয়াত্ বজত্তি গুরিদো।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 2:13

যিহূদীগুনোর্ উদ্ধোর-পরব সময় এলে পরেদি যীশু যিরূশালেমত্ গেলঅ।

যোহন 2:6

যিহূদী ধর্মর্ সুদোম্ মজিম্ সিজি অবাত্যে সে জাগানত্ পাত্তরর্ ছোবুয়ো চাড়ি বোজেয়্যে এলঅ। সিগুনোর্ পত্তি চাড়িত্ কমেদি পাচ্‌চল্লিশ লিটার গুরি পানি আঢ্‌ত।

যোহন 5:1

এ বেক্‌ ঘটনাগানির্ পরেদি যীশু যিরূশালেমত্ গেলঅ, কিয়া সেক্কে যিহূদীগুনোর্ এক্কো পরব্ এলঅ।

যোহন 6:4

সেক্কে যিহূদীগুনোর উদ্ধোর্-পরব সময়বো এচ্চ্যে।

প্রেরিত্‌ 21:24

এ মানুচ্চুনোরে তুই তঅ সমারে নেযা আর তারা সমারে তুই নিজেয়ো সিজি অ আর তারার্ মাধাবো মুড়েবার্ টেঙাগুনো দে। সেক্কে বেক্কুনে কোই পারিবাক্, তঅ পৌইদ্যেনে তারা যে হবরান্ পেইয়োন সিয়েন মিজে আর তুই রীতি-সুদোম পালর্।

প্রেরিত্‌ 21:26

সেক্কে পৌলে সেই মানুচ্চুনোরে নেযেইনে তারা সমারে নিজোরেয়ো সিজি গুরিলো। তার্ কেল্যে তে উবোসনা ঘরত্ গেলঅ, আর তারার্ সিজি অবার্ কামান্ কক্কে থুম্ অবঅ আহ্ পত্তি জনত্তে কক্কে এ্যামান্ উৎসর্ব গরা অবঅ সিয়েন জানেই দিলো।

প্রেরিত্‌ 24:18

নিজোরে সিজি গরানার্ পরেদি যেক্কে মুই সেই কামান্ গরঙর্ সেক্কে তারা মরে উবোসনা-ঘরত্ দেক্ক্যন্। মঅ কায়কুরে মান্‌জ্যর্ ভিড়্অ ন-অয় বা মল্লোই কনঅ যাগুলুগ্অ ন-অয়।

১ করিন্হীয় 11:28

সেই রুটি আর সেই গলচ্চোত্তুন্ হেবার আগেদি মানুচ্‌ নিজোরে পোরোক্ষ্যে গুরি চোক্;

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ শমূয়েল 16:5

জোবত্‌ শমূয়েলে কলদে, “অয়, মুই শান্তির মনভাব লোইন এচ্ছোং। লগেপ্রভুর নাঙে মুই এক্কো য়েমান-উৎসর্বর অনুষ্ঠান গুরিবাত্তে এচ্ছোং। তুমি নিজোরে সিজি গুরিনে মঅ লগে এই অনুষ্ঠানত্‌ মিজোগি।” ইয়েন কোইনে তে যিশয় আর তার পূঅগুনোরে সিজি গুরিলো আর সেই অনুষ্ঠানত্‌ মিজেবাত্তে তারারে বাত্যেল।