যোহন 11:47 - Chakma Bible

⁴⁷ সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

যোহন 11:47 ပူးပေါင်းရင်းမြစ်များ

মথি লেখ্যে গম্ হবর্ 26:3

সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মার্ক 14:1

সেক্কেনে উদ্ধোর-পরব্ আর সদানেইয়্যে রুটি পরবর্ বানা আর দ্বিদিন বাগি। আজল্ ধর্মগুরুগুনে আর ধর্ম-মাষ্টরুনে ভিদিরে ভিদিরে যীশুরে ধুরিনে মারে ফেলেবার্ পথ্‌‌তান্ তগাদন্।

লূকে লেখ্যে গম্ হবর্ 22:2

আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।

যোহন 12:19

ইয়েন দেগিনে ফরীশীগুনে একজন আরেকজনরে কলাক্, “আমার কনঅ লাভ্ ন-অর্। চঅ, গোদা দুনিয়েগান্ তা দলত্ যেয়েগোই।”

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 6:2

সয়-সাগোজ্যে মানুচ্‌ যীশুর্ পিযে পিযে যাহ্ ধল্ল্যাক্, কিয়া পিড়েল্ল্যেগুনো উগুরে তে যে চিহ্নো ইজেবে যেদক্কানি আমক্ অবার্ কাম্ গোজ্যে তারা সিয়েনি দেক্ক্যন্।

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 7:45

যে চাগরুনোরে পাধা ওইয়্যে তারা আজল্ ধর্মগুরু আর ফরীশীগুনো ইধু ফিরি এলাক্। সেক্কে তারা সিগুনোরে পুযোর্ গুরিলাক্, “তারে ন-আন কিত্যে?”

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।