যোহন 11:46 - Chakma Bible

⁴⁶ মাত্তর্ তারাত্তুন্ কেঅ কেঅ ফরীশীগুনো ইধু যেইনে যীশু যিয়েনি গোজ্যে সিয়েনি কলাক্।

যোহন 11:46 ပူးပေါင်းရင်းမြစ်များ

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 7:45

যে চাগরুনোরে পাধা ওইয়্যে তারা আজল্ ধর্মগুরু আর ফরীশীগুনো ইধু ফিরি এলাক্। সেক্কে তারা সিগুনোরে পুযোর্ গুরিলাক্, “তারে ন-আন কিত্যে?”

যোহন 9:13

যে মানুচ্চো কানা এলঅ মানুচ্চুনে তারে ফরীশীগুনো ইধু নেযেলাক্।

প্রেরিত্‌ 5:25

সেক্কে এক্কো মানুচ্‌ এইনে কলঅ, “চঅ, যে মানুচ্চুনোরে তুমি জেলোত্ দুয়ো তারা উবোসনা-ঘরত্ থিয়্যেইনে মানুচ্চুনোরে শিক্ষ্যে দেদন্।”