যোহন 11:45 - Chakma Bible

⁴⁵ মরিয়ম ইধু যিদুক্কুন্ যিহূদী এচ্চ্যন্ তারাত্তুন্ ভালোক্‌জনে যীশুর্ এ কামানি দেগিনে তা উগুরে বিশ্বেজ্ গুরিলাক্।

যোহন 11:45 ပူးပေါင်းရင်းမြစ်များ

যাত্রা 14:31

লগেপ্রভু মিসরীয়গুনোর বিরুদ্ধে তাঁর্‌ যে দাঙর্‌ খেমতাগান্‌ বেবহার্‌ গুরিলো সিয়েন্‌ দেগিনেই ইস্রায়েলীয়গুনোর মনত্‌ তা উগুরে এক্কান্‌ দর্‌বুগ্ জাগি উদিলো। তারা লগেপ্রভু আর তাঁর্‌ চাগর্‌ মোশি উগুরে পুরো বিশ্বেজ্ রাগেইনে যাহ্ ধুরিলাক্।

যোহন 10:41

বোউত্ মানুচ্‌ যীশু ইধু গেলাক্ আর কুয়ো-কি গরা ধুরিলাক্, “যোহনে কনঅ আমক্ অবার্ কাম্ ন-গরে সত্য, মাত্তর্ তো তে এ মানুচ্চো পৌইদ্যেনে যিয়েনি যিয়েনি কোইয়্যে সিয়েনি বেক্কানি সত্য।”

যোহন 11:19

যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।

যোহন 11:31

যে যিহূদীগুনে মরিয়ম লগে ঘরত্ থেইনে তারে বুঝোদন্ তারা মরিয়মরে যাদি উদি বারেদি যাদে দেগিনে তা পিজে পিজে গেলাক্। তারা মনে গোজ্যন্, মরিয়মে কবর ইধু কানিবাত্যে যার্।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 7:31

মাত্তর্ মানুচ্চুনো ভিদিরে ভালোক্‌জনে যীশু উগুরে বিশ্বেজ্ গুরিনে কলাক্, “তে দঅ বোউত্ আমক্ কাম্ গোজ্যে। মশীহ এইনে কি তাত্তুন্-অ বেশ্ আমক্ অবার্ কাম্ গুরিবো?”