যোহন 11:44 - Chakma Bible

⁴⁴ যে মুরি যেয়্যে তে সেক্কে কবরত্তুন্ নিগিলি এলঅ। তা আঢ্-টেঙানি কবর কাবর্‌লোই বেড়েয়্যে এলঅ আর তা মুয়োন্ রুমোল্লোই বান্ন্যে এলঅ। যীশু মানুচ্চুনোরে কলঅ, “তা বান্ন্যেগান্ খুলি দুয়ো আর তারে যেবাত্তে দুয়ো।”

যোহন 11:44 ပူးပေါင်းရင်းမြစ်များ

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মার্ক 5:43

এ ঘটনাগানর্ কধা কাররে ন-কবাত্তে যীশু কড়া উগুম্ দিলো আর মিলেবোরে কিজু হানা দিবাত্তে কলঅ।

লূকে লেখ্যে গম্ হবর্ 19:20

সে পরেদি অন্য আর এক্কো চাগর্ এইনে কলঅ, প্রভু, এইয়্যে তঅ টেঙাগুন; মুই তঅ টেঙাগুন্ রূমোল কানিত্ বানি থোইয়োং।

লূকে লেখ্যে গম্ হবর্ 7:15

সেক্কে যে মুরি যেইয়্যে সে মানুচ্চো উদিনে বুজিলো আর কধা কুয়ো ধুরিলো। যীশু তারে তা মাবো ইধু ফিরেই দিলো।

যোহন 10:30

মুই আর বাবা এক্।”

যোহন 11:39

যীশু কলঅ, “পাত্তর্‌বো সরঅ।” যে মুরি যেয়্যে তা বোন মার্থা যীশুরে কলঅ, “প্রভু, ইক্কিনে পচাবাচ্‌ ওইয়্যে, কিয়া চের্ দিন অলঅ তে মুরি যেয়্যে।”

যোহন 11:43

এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 19:40

পরেদি তারা যীশুর্ কিয়্যেগান্ লোইনে যিহূদীগুনোর্ গোর্ দিবার্ সুদোম্ মজিম্ সেই বেক্‌ তুমবাচ্‌ জিনিচ্চানি সমারে কিয়্যেগান্ কাবড়লোই বেড়েলাক্।

যোহন 20:5

তে মাঢা নিগিরিনে চেলঅ, যীশুর কিয়্যেনত্ যে কাবড়ানি বেড়েয়্যে এলঅ সিয়েনি পড়ি আঘে।

যোহন 20:7

তে আরঅ দেগিলো, তা মাঢাবোত্ যে রুমোলান্ বেড়েয়্যে এলঅ সিয়েন্ অন্য কাবড় সমারে নেই, মাত্তর্ যুদো গুরিনে এক জাগাত্ গুজেই রাগা ওইয়্যে।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে