যোহন 11:43 - Chakma Bible

⁴³ এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 11:43 ပူးပေါင်းရင်းမြစ်များ

মার্ক 4:41

ইয়েন্দোই শিচ্চ্যগুনে অমকদ দোরেলাক্ আর নিজো ভিদিরে কুয়ো কি গরা ধুরিলাক্, “ইবে কন্না যে, বৌইয়্যের্ আর সাগরান্অ তা কধা শুনে?”

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 11:44

যে মুরি যেয়্যে তে সেক্কে কবরত্তুন্ নিগিলি এলঅ। তা আঢ্-টেঙানি কবর কাবর্‌লোই বেড়েয়্যে এলঅ আর তা মুয়োন্ রুমোল্লোই বান্ন্যে এলঅ। যীশু মানুচ্চুনোরে কলঅ, “তা বান্ন্যেগান্ খুলি দুয়ো আর তারে যেবাত্তে দুয়ো।”

যোহন 12:1

উদ্ধোর-পরব ছদিন্ আগে যীশু বৈথনিয়াত্ গেলঅ। যিবেরে তে মরণত্তুন্ জেদা গোজ্যে সেই লাসারে বৈথনিয়াত্ বজত্তি গুরিদো।

যোহন 12:9

যীশু বৈথনিয়াত্ আঘন্ কোই পারিনে যিহূদীগুনো ভিদিরেত্তুন্ বোউত্ মানুচ্ সিধু এলাক্। তারা যে বানা যীশুত্যে সিধু এচ্চ্যন্ সিয়েন্ নয়, মাত্তর্ যিবেরে যীশু মরণত্তুন্ জেদা গোজ্যে সেই লাসাররেয়ো চেবাত্যে এলাক্।

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।