যোহন 11:42 - Chakma Bible

⁴² অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 11:42 ပူးပေါင်းရင်းမြစ်များ

মথি লেখ্যে গম্ হবর্ 26:53

তুই কি মনে গরচ্, মুই মঅ বাপ্পোরে ডাগিলে তে ইক্কিনে মরে আজার্ আজার্ স্বর্গদূত্ পাধেই ন-দিবো? মাত্তর্ সালে পবিত্র বোইবোর্ কধাগান্ কেধোক্ক্যেন্ গুরি পূরোণ্ অবঅ?

যোহন 11:22

মাত্তর্ মুই কোই পারং, তুই এজঅ গোজেন ইধু যিয়েন্ চেবে গোজেনে সিয়েন্ তরে দিবো।”

যোহন 11:31

যে যিহূদীগুনে মরিয়ম লগে ঘরত্ থেইনে তারে বুঝোদন্ তারা মরিয়মরে যাদি উদি বারেদি যাদে দেগিনে তা পিজে পিজে গেলাক্। তারা মনে গোজ্যন্, মরিয়মে কবর ইধু কানিবাত্যে যার্।

যোহন 11:43

এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 12:11

কিয়া লাসারর্ কারনে যিহূদীগুনো ভিদিরে ভালোক্‌জনে নেতাগুনোরে ফেলেইনে যীশু উগুরে বিশ্বেজ্ গুরিলাক্।

যোহন 12:17

লাসাররে কবরত্তুন্ ডাগিনে জেদা গুরি তুলিবার্ অক্তত্ যিদুক্কুন্ মানুচ্ যীশুর্ কায়কুরে এলাক্ তারা লাসারে জেদা ওই উদোনা পৌইদ্যেনে সাক্ষি দিয়্যে ধুরিলাক্।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 8:16

মাত্তর্ যুনি মুই কনদিন্অ বিচের্ গরং সালে মর্ সেই বিচেরান্ সত্য, কিয়া মুই গায় গায় নয়। মুই দঅ আঘং আর যে মরে পাধেয়্যে সেই বাবায়ো মঅ সমারে আঘে।

যোহন 8:29

যে মরে পাধেয়্যে তেয়ই মঅ সমারে আঘে। তে মরে গায় গায় গুরি ইরি ন-দে, কিয়া যে কামত্ তে হুজী অয় মুই নিত্য সেই কামান গরং।”

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।