যোহন 11:39 - Chakma Bible

³⁹ যীশু কলঅ, “পাত্তর্‌বো সরঅ।” যে মুরি যেয়্যে তা বোন মার্থা যীশুরে কলঅ, “প্রভু, ইক্কিনে পচাবাচ্‌ ওইয়্যে, কিয়া চের্ দিন অলঅ তে মুরি যেয়্যে।”

যোহন 11:39 ပူးပေါင်းရင်းမြစ်များ

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

গীতসংহিতা 49:7

কেউ কনমতে মরণত্তুন্ কাররে উদ্ধোর গুরি ন-পারে বা গোজেনরে তার উদ্ধোরর্ দাম দি ন-পারে, যেনে তে জিংকানিবর বাঁজি থায় আর মরণর জাগাত্ যাহ্ ন পড়ে; কিত্যে জিংকানি কিনিবার দাম বোউত্, সেই দামানর সং সং কিচ্চু নেই।

মার্ক 16:3

সে অক্তত্ তারা একজন আরেকজনরে পুযোর্ গুরিলাক্, “গোরান মুয়োনত্তুন্ কন্না সেই পাত্তর্‌বো সোরেই দিবো?”

যোহন 11:17

যীশু সিধু লুমিনে কোই পারিলোদে, চের্ দিন আগে লাসাররে গারা ওইয়্যে।

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

প্রেরিত্‌ 2:27

কিত্যে তুই মরে মরণর্ জাগাত্ ফেলেই ন-থবে, তর্ ভক্তর্ কিয়্যেগানরে তুই বর্‌‌বাদ্ অবাত্তে ন-দিবে।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।