যোহন 11:33 - Chakma Bible

³³ যীশু মরিয়মরে আর তা সমারে যে যিহূদীগুন্ এচ্চ্যন্ তারারে কানদে দেগিনে মনান্ অমকদ যাগুলুক্ অলঅ।

যোহন 11:33 ပူးပေါင်းရင်းမြစ်များ

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

যোহন 11:19

যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।

যোহন 11:31

যে যিহূদীগুনে মরিয়ম লগে ঘরত্ থেইনে তারে বুঝোদন্ তারা মরিয়মরে যাদি উদি বারেদি যাদে দেগিনে তা পিজে পিজে গেলাক্। তারা মনে গোজ্যন্, মরিয়মে কবর ইধু কানিবাত্যে যার্।

যোহন 11:34

তে তারারে কলঅ, “লাসাররে কুধু থোইয়ো?” তারা কলাক্, “প্রভু, এইনে চাহ্।”

যোহন 11:35

সেক্কে যীশু কানিলো।

যোহন 11:38

ইয়েন্দোই যীশুর মনান্ আরঅ যাগুলুক্ অলঅ আর কবরঅ ইধু গেলঅ। কবরান এলঅ এক্কো গাঢ্। সে গাঢ মুয়োনত্ এক্কো পাত্তর্ বোজেয়্যে এলঅ।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 13:21

এ বেক্‌ কধানি কনার্ পরেদি যীশু মনান্ থির্ নেইয়্যে অলঅ। তে খুলোমেলাগুরি কলঅ, “মুই তমারে ঘেচ্চেক্‌গুরি কঙর্, তমাত্তুন্ একজনে মরে শত্রুগুনো আঢত্ ধুরি দিবো।”

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।