যোহন 11:19 - Chakma Bible

¹⁹ যিহূদীগুনোত্তুন্ ভালোক্‌জনে মার্থা আর মরিয়মরে তারা ভেইবো মোজ্যে কেইনে বুঝেবাত্তে এচ্চ্যন্।

যোহন 11:19 ပူးပေါင်းရင်းမြစ်များ

পত্থম 37:35

তার অন্য বেক্‌ পুয়ো-ঝি গুনে তারে বুঝেবার্‌ চেলাক্, মাত্তর্‌ কনঅ বুঝোনার কধা তে নঅ শুনিলো। তে কলঅ, “আবিলেচ্ গত্তে গত্তে মুই মরণ জাগাত্‌ মঅ পুয়োবো ইধু যেম।” এবাবোত্যেগুরি যাকোবে যোষেফত্যে কানিলো।

২ শমূয়েল 10:2

দায়ূদে কলঅ, “হানূনোর বাপ্‌পো নাহশে মঅ উগুরে যেধোক্ক্যেন বিশ্বেজি এলঅ সেধোক্ক্যেন্ মুইয়ো হানূনো উগুরে বিশ্বেজি থেম্‌।” সেনত্তেই তা বাপ্‌পোর্‌ মরাণার অক্তত্‌ তারে বুজেবাত্তে তে কয়েক্কো মানুচ্‌ পাধেই দিলো। সেক্কে দায়ূদো মানুচ্চুনে অম্মোনীয়গুনোর দেজত্‌ গেলাক্।

১ বংশধর 10:12

সেক্কে সিদুগোর্‌ বীর সৈন্যগুনে যেইনে শৌল আর তা পুয়োগুনোর্ মরাকিয়্যেগানি যাবেশত্‌ আনিলাক্‌। যাবেশ এলোন গাচ্ছো তলাত্‌ তারা আড়ুন্‌ গারেলাক্‌ আর সাত দিন সং উবোস থেলাক্‌।

ইয়োব 2:11

তৈমনীয় ইলীফস, শূহীয় বিল্‌দদ আর নামাথীয় সোফর নাঙে ইয়োবর তিন্নো সমাজ্যে যেক্কেনে ইয়োবর বেক্‌ দযার্‌ কধানি শুনিলাক্‌ সেক্কে তারা ঘরত্তুন্‌ যাহ্ ধুরিলাক্‌। তারা এগত্তর্‌ ওইনে সল্লা গুরিলাক্‌, তারা যেইনে তা সমারে আবিলেচ্‌ হেবাক্‌ আর তারে বুঝেবাক্‌।

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

যিশাইয় 51:19

ভস্ত, দজা, ভানা আর যুদ্ধো-এ দ্বিবাবোত্যে দজা তমা উগুরে লুম্মেগি। কন্না তরে বুঝেই পারে? মুই কেধোক্ক্যেন গুরি তরে বুঝেম?

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 11:1

লাসার নাঙে বৈথনিয়া আদামর্ এক্কো মান্‌জ্যর্ অসুগ্ ওইয়্যে। মরিয়ম আর তার্ বোন মার্থা সেই আদামত্ থেদাক্।

যোহন 11:31

যে যিহূদীগুনে মরিয়ম লগে ঘরত্ থেইনে তারে বুঝোদন্ তারা মরিয়মরে যাদি উদি বারেদি যাদে দেগিনে তা পিজে পিজে গেলাক্। তারা মনে গোজ্যন্, মরিয়মে কবর ইধু কানিবাত্যে যার্।

যোহন 11:33

যীশু মরিয়মরে আর তা সমারে যে যিহূদীগুন্ এচ্চ্যন্ তারারে কানদে দেগিনে মনান্ অমকদ যাগুলুক্ অলঅ।

যোহন 11:36

সেক্কে যিহূদীগুনে কলাক্, “চঅ, তে লাসাররে কদক্ কোচ্‌পেদঅ।”

যোহন 11:45

মরিয়ম ইধু যিদুক্কুন্ যিহূদী এচ্চ্যন্ তারাত্তুন্ ভালোক্‌জনে যীশুর্ এ কামানি দেগিনে তা উগুরে বিশ্বেজ্ গুরিলাক্।

যোহন 11:8

শিচ্চ্যগুনে তারে কলাক্, মাষ্টর্ বাবু, এ কয়েক্ দিন আগে নেতাগুনে তরে পাত্তর্ মারিবাত্তে চেইয়োন্, তুই আরঅ সিধু যর্?

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

১ থিষলনীকীয় 4:18

সেনত্যে তুমি এ কধানি কোইনে একজন আরেকজনরে সান্তনা দুয়ো।

১ থিষলনীকীয় 5:11

ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।

১ শমূয়েল 31:13

সে পরেন্দি তারা তারার আড়ুন নেযেইনে সিদুগোর্‌ এক্কো ঝাউ গাজর্‌ তলে গোর্ দিলাক্ আর সাত দিন সং উবোস থেইনে কাদেলাক্।