যোহন 11:11 - Chakma Bible

¹¹ এ বেক্‌ কধানি কবার্ পরেদি যীশু শিচ্চ্যগুনোরে কলঅ, “আমা সমাজ্যে লাসারে ঘুমোত্ পোজ্যে, মাত্তর্ মুই তারে জাগেবাত্যে যাঙর্।”

যোহন 11:11 ပူးပေါင်းရင်းမြစ်များ

২ রাজাবলী 4:31

গেহসি আগে আগে যেইনে পুয়োবোর্‌ মুয়ো উগুরে লুদিক্কো রাগেল মাত্তর্‌ কনঅ রঅ বা কনঅ সাড়া পাহ্ ন-গেলঅ। সেনত্তে গেহসি ইলীশায়র লগে দেগা গুরিবাত্তে ফিরি গেলঅ আর তারে কলঅ, “পুয়োবো ন-জাগে।”

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

যাত্রা 33:11

মান্‌জে যেধোক্ক্যেন গুরি মুয়োমি ওইনে সমাজ্যে লগে কধা কন্‌ লগেপ্রভু ঠিগ্ সেধোক্ক্যেন গুরিই‌ মোশির্‌ লগে কধা কদঅ‌। পরেন্দি মোশি ইস্রায়েলীয়গুনোর্‌ তাম্বুলোত্‌ ফিরি যেদঅ‌ মাত্তর্‌ নূনোর্‌ পূঅবো যিহোশূয় মিলন-তাম্বুলান ছাড়ি ন-যেদঅ‌। যিহোশূয় নাঙে এই গাবুজ্যেবো অলদে মোশিরে এজাল্‌‌দিয়্যে।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

মথি লেখ্যে গম্ হবর্ 27:52

কয়েক্কো গোর্ খুলি গেলঅ আর গোজেনর্ যে মানুচ্চুনে মুরি যেইয়োন্ তারাত্তুন্ ভালোক্কুনোর্ কিয়্যেগানি জেদা ওই উদিলো।

মথি লেখ্যে গম্ হবর্ 9:24

সেক্কে যীশু কলঅ, “তুমি বারেদি যঅ। চিজিবো ন-মরে, ঘুম্ যাত্তে।” এ কধাগান শুনিনে তারা আজা-আজি গরা ধুরিলাক্।

মার্ক 5:39

যীশু ভিদিরে যেইনে মানুচ্চুনোরে কলঅ, “তুমি কিত্তে কোল্-কোজ্যে আর কানাকুদি গরর্? মিলেবো ন-মরে, ঘুম্ যাত্তে।”

যোহন 11:10

মাত্তর্ যুনি কেঅ রেদোত্ ঘুরোঘুরি গরন্ তে উজোত্ খায়, কিয়া সেক্কেনে পহ্‌র নেই।”

যোহন 11:12

সেক্কে শিচ্চ্যগুনে তারে কলাক্, “প্রভু, যুনি তে ঘুম্ যেই থায় সালে তে গম্ অবঅ।”

যোহন 11:13

যীশু লাসার মরণ কধা কোইয়্যে, মাত্তর্ তা শিচ্চ্যগুনে বুঝিলাক্ তে স্বাভাবিক্ ঘুমো কধা কর্।

যোহন 11:3

ইয়েনত্যে তা বোনুনে যীশুরে এ কধাগান্ কোই পাধেলাক্, “প্রভু, তুই যিবেরে কোচ্‌পাজ্ তার্ অসুগ্ ওইয়্যে।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

১ করিন্হীয় 15:18

সালে খ্রীষ্ট সমারে এগত্তর্ ওইনে যিগুনে মুরি যেইয়োন্ তারা দঅ ভস্ত ওইয়োন।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

১ করিন্হীয় 15:51

মুই তমারে এক্কান গুমুরো সত্যর্ কধা কঙর্, শুনো। আমি বেক্কুনে যে মুরি যেবং সিয়েন নয়, মাত্তর্ বুদুলি যেবং।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

১ থিষলনীকীয় 5:10

খ্রীষ্ট আমাত্যে মোজ্জ্যে, যাতে আমি বাঁজিই বা মুরিই, আমি যেন তা সমারে জেদা থেই পারিই।

যাকোব 2:23

এবাবোত্যে গুরি পবিত্র বোইবোর্ এ কধাগান পূরোণ ওইয়্যে, “অব্রাহামে গোজেন কধাগান বিশ্বেজ্ গুরিলো আর সেনত্যে গোজেনে তারে নিদ্দুজি বিলিনে মানি ললঅ।” সেনত্যে তারে গোজেনর্ দাংগু বিলিনে ডাগা ওইয়্যে।