যোহন 10:5 - Chakma Bible

⁵ তারা কনদিন্অ নচিন্যে মান্‌জ্যর্ পিজেদি ন-যেবাক্ বরং তাত্তুন্ ধেই যেবাক্, কিয়া তারা অচেনা মান্‌জ্যর্ রঅ ন-চিনোন্।”

যোহন 10:5 ပူးပေါင်းရင်းမြစ်များ

১ রাজাবলী 22:7

মাত্তর্‌ যিহোশাফটে কলঅ, “ইয়েনত্‌ কি লগেপ্রভুর্‌ কনঅ ভাববাদী নেই যিবের্‌ ইদু মুই পুযোর্‌ গুরি পারং?”

গম্ উপদেজ্ 19:27

মর্ পুয়োবো, যুনি তুই শাজন্ ন-মানচ্ সালে তুই জ্ঞানর শিক্ষ্যেত্তুন্ অন্যকিত্তেন্দি সুরি যেবে।

মার্ক 4:24

ইয়েনর্ পরেদি যীশু কলঅ, “তুমি যিয়েনি শুন্ন্য সে পৌইদ্যেনে মনযোগ্ দুয়ো। তুমি যেবাবোত্যেগুরি মাবি দুয়ো তমাত্তে সেবাবোত্যেগুরি মাবা অবঅ; এমন্ কি, বেশ্ গুরি মাবা অবঅ।

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 10:4

তা নিজোর্ বেক্‌ ভেড়াগুন্ নিগিলেবার্ পরেদি তে সিগুনোর্ আগে আগে যায়, আর ভেড়াগুন্ তা পিজে পিজে যান্ কিয়া সিগুনে তা ডাগনিগান্ হবর্ পান্।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

১ যোহন 2:21

সত্যগানরে কোই ন-পারঅ বিলি মুই যে তমা ইধু লিগিলুং সিয়েন নয়, মাত্তর্ তুমি সত্যগানরে কোই পারঅ আর ইয়েন-অ কোই পারঅ যে, সত্যত্তুন্ মিজে কধানি ন-এজে; আর সেনত্যে মুই তমা ইধু লিগিলুং।

ফগদাং পেইয়্যে 2:2

মুই তর্ কাম, গাম ঝরানা আর ধৈজ্জ্যর্ কধানি জানং। মুই কোই পারং তুই ভান্ন্যেই মানুচ্চুনোরে সোজ্জ্য গুরি ন-পারচ, আর যিগুনে দূত্ ন-ওইনেয়ো নিজোরে দূত্ বিলিনে দাবি গরন্ তারারে যগা চেইয়োচ্ আর তারা যে মিজে মাঢিয়্যে সিয়েনর্ প্রমানঅ পেইয়োচ্।