যোহন 10:33 - Chakma Bible

³³ নেতাগুনে জোবত্ কলাক্, “গম্ কামত্যে আমি তরে পাত্তর্ ন-মারিই, মাত্তর্ তুই গোজেন বিরুদ্ধে অগমান কধা কর্ ক্যেনে মারিই। মানুচ্‌ ওইনেয়ো তুই নিজোরে গোজেন বিলিনে দাবী গরর্।”

যোহন 10:33 ပူးပေါင်းရင်းမြစ်များ

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

গীতসংহিতা 82:6

মুই কোইয়োঙে, “তুমি যেন গোজেন, তুমি বেক্কুনে দাঙর্ গোজেনর পুয়ো।

লেবীয় 24:14

যে মানুচ্চো অভিশাব দিয়্যে তারে তাম্বুলোর্‌ বারেন্দি নেযঅ। যিগুনে তারে সেই অভিশাব দেদে শুন্যন্‌ তারা বেক্কুনে তার্‌ মাদা উগুরে আত্‌ রাগাদোক্‌, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

যোহন 10:24

সেক্কে যিহূদী নেতাগুনে যীশুর্ চেরোকিত্ত্যে থুবেইনে কলাক্, “আর কয়দিন তুই আমারে সন্দেহ ভিদিরে রাগেবে? যুনি তুই মশীহ ওই থাচ্ সালে গমেদালে আমারে কঅ।”

যোহন 10:30

মুই আর বাবা এক্।”

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 19:7

যিহূদী নেতাগুনে পীলাতরে কলাক্, “আমার্ এক্কো আইন আঘে, সেই আইন মজিম্ তার্ মরণ অনা উচিত, কিয়া তে নিজোরে গোজেনর্ পুয়ো কোইয়্যে।”

যোহন 5:18

যীশুর এ কধানত্যে যিহূদী নেতাগুনে তারে মারে ফেলেবাত্যে ফন্দি গরা ধুরিলাক্, কিয়া তে যে বানা জিরেবার্ দিনুনোর সুদোম্ ভাঙে সিয়েন্ নয়, গোজেনরে নিজোর্ বাপ্ বিলি ডাগিনে নিজোরে গোজেন সং অ গোজ্যে।

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

ফিলিপীয় 2:6

আজলে তে গোজেনই থেলঅ, মাত্তর্ গোজেন ধোক্ক্যেন সং সং থানা তে আযাবোধে ধুরি থইদ্যে ধোক্ক্যেন এমন্‌ কিজু মনে ন-গরে।