যোহন 10:32 - Chakma Bible

³² যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

যোহন 10:32 ပူးပေါင်းရင်းမြစ်များ

গীতসংহিতা 35:12

ভালেদির বদলে তারা মর্ অমংগল গোজ্যন্; হায়, কি দুর্ভাগ্যত্তে মুই!

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

যিরমিয় 37:18

সে পরেদি যিরমিয় রাজা সিদিকিয়রে কলঅ, “মুই তর্ বা তঅ চাগরুনোরে বা এ মানুচ্চুনো বিরুদ্ধে কি দুষ্ গোজ্যং যে, তুমি মরে জেলোত্ রাগেয়ো?

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

যোহন 10:25

যীশু জোবত্ কলঅ, “মুই দঅ তমারে কোইয়োং, মাত্তর্ তুমি বিশ্বেজ্ ন-গরঅ। মঅ বাব নাঙে মুই যেদক্কানি কাম্ গরং সিয়েনিয়ো মঅ পৌইদ্যেনে সাক্ষী দে।

যোহন 10:31

সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।

যোহন 10:33

নেতাগুনে জোবত্ কলাক্, “গম্ কামত্যে আমি তরে পাত্তর্ ন-মারিই, মাত্তর্ তুই গোজেন বিরুদ্ধে অগমান কধা কর্ ক্যেনে মারিই। মানুচ্‌ ওইনেয়ো তুই নিজোরে গোজেন বিলিনে দাবী গরর্।”

যোহন 10:37

মঅ বাবঅ কাম্ যুনি মুই ন-গরং সালে তুমি মরে বিশ্বেজ্ ন-গুরিবা।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।